Club de Remo Coruxo

O Club de Remo Coruxo é unha entidade deportiva da cidade de Vigo (Galiza) adicada á práctica do remo. A entidade foi fundada en 1989 e actualmente compite na División A da Liga Galega de Traiñeiras (LGT).

Club de Remo Coruxo
Tipo	club de remo
Deporte	Remo
Data de fundación	1989
Localización
Enderezo	Carretera Cánido, s/n. Finca Mirambell
En	Coruxo
País	Galicia
42°11′43″N 8°47′46″O
Na rede
https://clubderemocoruxo.es.tl/
[ editar datos en Wikidata ]

Traiñeira de Coruxo na Bandeira Teresa Herrera da Coruña en 2019.

Historia

O Club de Remo Coruxo foi fundado en 1989 como sección do Centro Cultural Recreativo Artístico de Coruxo nunha nave cedida por Guillermo Rey no porto de Canido, iniciando a súa actividade cun grupo de mozos da zona.

Posteriormente trasladou a súa sede a unha nave na Finca Mirambel, onde a instalación foi acondicionada para albergar o ximnasio, os vestiarios, un foxo de remo; e para gardar as embarcacións.

Nas últimas tempadas o club clasificouse en moitas ocasións para a disputa de diversos campionatos tanto a nivel nacional como estatal, acadando resultados importantes tanto en banco fixo como móbil, especialmente neste último co subcampionato de España cadete en 2002.

A traiñeira do club ten participado en tódalas edicións da Liga Galega de Traiñeiras, sendo o seu mellor resultado o 1º posto acadado na tempada 2014.

Frota

Actualmente conta con: dúas traiñeiras "Fontaíña", dúas traiñeiriñas "A Calzoa"; e os bateis: "Foz", "Fuchiño", "Baularte", "O Vao", "Coruxo".

Véxase tamén

Ligazóns externas

• Información do club na web da LGT