Clorina

En química orgánica a clorina é un composto formado por un gran anel aromático heterocíclico que consta de tres grupos pirrol e un grupo pirrolina unidos por catro enlaces metino. A diferenza da porfina, que é o núcleo básico das porfirinas, a clorina é un composto moi aromático pero non é aromático ao longo de toda a circunferencia do anel. Diferénciase da porfina en que un dos pirrois carece dun dos dobres enlaces, polo que se trata dun grupo pirrolina.

Clorina
Identificadores
Número CAS	2683-84-3
PubChem	65106
ChemSpider	58616
ChEBI	CHEBI:36303
Imaxes 3D Jmol	Image 1
SMILES n3c4cc5nc(cc\1nc(/C=C/1)cc2ccc(n2)cc3CC4)cc5
InChI InChI=1S/C20H16N4/c1-2-14-10-16-5-6-18(23-16)12-20-8-7-19(24-20)11-17-4-3-15(22-17)9-13(1)21-14/h1-6,9-12,22-23H,7-8H2/b13-9-,14-10-,15-9-,16-10-,17-11-,18-12-,19-11-,20-12- Key: UGADAJMDJZPKQX-CEVVSZFKSA-N InChI=1/C20H16N4/c1-2-14-10-16-5-6-18(23-16)12-20-8-7-19(24-20)11-17-4-3-15(22-17)9-13(1)21-14/h1-6,9-12,22-23H,7-8H2/b13-9-,14-10-,15-9-,16-10-,17-11-,18-12-,19-11-,20-12- Key: UGADAJMDJZPKQX-CEVVSZFKBJ
Propiedades
Fórmula molecular	C20H16N4
Masa molecular	312,36784
Se non se indica outra cousa, os datos están tomados en condicións estándar de 25 °C e 100 kPa.

As clorinas derivadas que conteñen magnesio denomínanse clorofilas, e constitúen o elemento fotosensible central dos cloroplastos. Da hidrólise de clorofilas poden obterse clorinas.

Compostos relacionados, pero con dous grupos pirrolina e dous pirrois denomínanse bacterioclorinas e isobacterioclorinas. A posición onde levan a pirrolina determina que se trate dun composto ou outro.

Estruturas comparadas do esqueleto máis básico das porfirinas, a porfina, seguida da clorina, bacterioclorina, e isobacterioclorina. A distinta localización dos dobres enlaces C=C determina a diferenza entre os isómeros da bacterioclorina. Hai dous electróns π (simbolizados por π e^-) por cada dobre enlace do macrociclo.

A causa da súa fotosensibilidade, as clorinas son utilizadas como axentes fotosensibilizadores na terapia fotodinámica experimental. A clorina E6 é unha molécula usada como fotosensibilizador para obter drogas para estas terapias debido á súa forte absorción na rexión do espectro da luz vermella e a longa duración dos seus estados fotoexcitados.

Véxase tamén

Outros artigos

• Corrina
• Terapia fotodinámica
• Bacterioclorofila