Christopher Lloyd
Christopher Allen Lloyd, nado en Stamford (Connecticut) o 22 de outubro de 1938, é un actor estadounidense. Adquiriu sona polos seus papeis de secundario en filmes como Alguén voou sobre o niño do cuco, Back to the Future ou The Addams Family.
Traxectoria editar
Primeiros anos editar
Christopher Lloyd naceu en Stamford, Connecticut, e é fillo de Samuel R. Lloyd (un avogado), e da cantante Ruth Lapham (irmá do alcalde de San Francisco, Roger Lapham).[1][2] O seu avó materno, Lewis Lapham, foi un dos fundadores da compañía de combustíbel Texaco.[3] Lloyd tamén é descendente do pasaxeiro do Mayflower John Howland.[4] Asistiu á The Fessenden School, unha prestixiosa escola preparatoria en Newton, Massachusetts. Medrou en New Canaan e Westport, onde en 1958 se graduou na Staples High School.
A súa nai, herdeira da fortuna dos Lapham, doou o fogar ancestral da súa familia, Waveny Park, á vila de New Canaan.
Carreira como actor editar
Christopher Lloyd comezou a actuar con 14 anos como aprendiz durante un verán. Tomou clases en Nova York con 19 anos, algunhas no Neighborhood Playhouse xunto a Sanford Meisner. Apareceu en varios musicais de Broadway, incluíndo Happy End, A Midsummer Night's Dream, Red, White and Maddox, Kaspar, The Harlot and the Hunted, The Seagull, Total Eclipse, Macbeth, In the Boom Boom Room, Cracks, Professional Resident Company, What Every Woman Knows, And They Put Handcuffs on the Flowers, The Father, King Lear e Power Failure.
O primeiro papel importante de Lloyd nas películas foi o dun paciente psiquiátrico en Alguén voou sobre o niño do cuco. Porén, pode ser máis lembrado polos seus papeis como Reverendo Jim Ignatowski, o ex-hippie taxista na serie Taxi, e o excéntrico inventor "Doc" Emmett Brown na triloxía de Back to the Future. Tamén desempeñou papeis notábeis como o comandante Kruge Klingon en Star Trek III: The Search for Spock, o profesor Dimple nun episodio de Road to Avonlea, ou o tío Fester en The Addams Family.
Apareceu nun xogo para PC de 1996, chamado Toonstruck, no cal actuou de protagonista transportado nun mundo de debuxos animados, e tamén foi un personaxe regular na sitcom de Pamela Anderson, Stacked. Lloyd fixo numerosos papeis en programas de televisión durante a súa carreira. Por exemplo, nun episodio de Malcolm in the Middle, onde interpreta ao excéntrico avó paternal de Malcolm. Tamén interpretou ao Constitucionalista Lawrence Lessig (o cal na vida real é vinte e tres anos máis novo ca Lloyd) nun episodio da sexta tempada de The West Wing.
Moitos dos seus papeis parecen orientarse cara á revelación cómica, así como hiperactivo cos personaxes do Reverendo Jim ou do Dr. Emmett Brown, ou como conservadores tensos por exemplo en The Dream Team and Mr. Mom. Lloyd demostrou carácter considerábel como actor dramático, en películas tales como Things to Do in Denver When You're Dead, como un personaxe leproso e enxeñoso. Lloyd foi Chevalier knighted de l'Ordre du Corbeau (literalmente cabaleiro da orde do corvo) en Bélxica no BIFFF (Festival internacional de Bruxelas das películas fantásticas) o 12 de abril de 2007. Apareceu en persoa, respondeu as preguntas da audiencia e asinou artigos seleccionados.
O 4 de xuño de 2007, Lloyd apareceu durante a abertura de Microsoft TechEd 2007 como o personaxe do Dr. Emmett Brown de Back to the Future, como gancho cómico para Bob Muglia, primeiro vicepresidente de Microsoft.
No ano 2010, Lloyd prestouse como actor de voz no videoxogo de Telltale Games Back to the Future: The Game, onde de novo encargouse de interpretar ao doutor Emmett Brown.
Seguindo esta liña, no 2011 foi contratado como o personaxe do Dr. Emmett Brown de Back to the Future pola empresa arxentina de electrodomésticos Garbarino, para facer unha campaña publicitaria e, a pedido del, ver tango. O soldo cobrado (200 mil dólares estadounidenses) doouno á fundación de Michael J. Fox.[5] Tamén traballou para Nike, na campaña Back for the Future en beneficio á fundación do seu amigo Michael J. Fox.
Vida privada editar
Christopher Lloyd raramente aparece en público ou é entrevistado. Algúns dos seus mellores amigos, coestrelas e seguidores que o coñeceron descríbeno como un home moi tímido e tranquilo. Estivo casado catro veces pero nunca tivo fillos. Actualmente está divorciado. O seu sobriño, Sam Lloyd, é coñecido por interpretar a Ted Buckland, o avogado na serie Scrubs. En novembro de 2008, a súa casa de Montecito, California, foi destruída no incendio de Montecito Tea.[6]
No ano 2009, nunha entrevista durante a proxección da triloxía de Back to the Future en Hollywood, preguntáronlle a Lloyd cal das películas de Back to the Future era a súa favorita. O actor respondeu: "a terceira, porque é un western e son fanático dese xénero, e segundo, porque ten unha historia de amor. Sempre quixera estar nunha historia de amor e nesta tiven a posibilidade de estar no medio dunha". Case un ano despois, asistiu ao Tampa Theatre nunha proxección de Back to the Future, onde volveu ser entrevistado. En maio de 2014 participou como convidado especial no Cómic Con Chile asinando autógrafos e fotografándose cos seus fans.
Filmografía editar
Cinema e televisión editar
| Ano | Filme | Papel | Notas |
|---|---|---|---|
| 1970 | Airport | Patron na cea | |
| 1975 | Alguén voou sobre o niño do cuco | Max Taber | |
| 1978 | Goin' South | Deputy Towfield | |
| Taxi (TV) | Reverendo Jim Ignatowski | ||
| Three Warriors | Steve Chaffey | ||
| 1979 | The Onion Field | Avogado do cárcere | |
| The Lady in Red | Frognose | ||
| 1981 | The Legend of the Lone Ranger | Maj. Bartholomew 'Butch' Cavendish | |
| 1983 | Mr. Mom | Larry | |
| To Be or Not to Be | Capitán das S.S. Schultz | ||
| 1984 | Cheers (TV) | Phillip Semenko | Episodio "I'll Be Seeing You" (tempada 2, episodio 21) |
| Star Trek III: The Search for Spock | Klingon Commander Kruge | ||
| The Adventures of Buckaroo Banzai Across the 8th Dimension | John Bigbooté | ||
| National Lampoon's Joy of Sex | Coach Hindenberg | ||
| 1985 | Back to the Future | "Doc" Emmett L. Brown | |
| Clue | Profesor Plum | ||
| Street Hawk (TV) | Anthony Corrido | ||
| 1986 | A aventura máis milagrosa endexamais contada | Harry | |
| 1987 | Walk Like a Man | Reggie Shand / Henry Shand | |
| 1988 | Ruta 29 | Henry Henry | |
| Quen enganou a Roger Rabbit? | Xuíz Doom | ||
| Eight Men Out | Bill Burns | ||
| 1989 | The Dream Team | Henry Sikorsky | |
| Regreso ó futuro II | "Doc" Emmett L. Brown | ||
| 1990 | Back to the Future Part III | "Doc" Emmett L. Brown | |
| Why Me? | Bruno Daley | ||
| DuckTales the Movie: Treasure of the Lost Lamp | Merlock | Voz | |
| 1991 | Back to the Future: The Ride | "Doc" Emmett L. Brown | |
| Back to the Future: The Animated Series | Doc Emmett L. Brown | ||
| Suburban Commando | Charlie Wilcox | ||
| The Addams Family | Tío Fester Addams | ||
| 1992 | Amazing Stories: Book Two (TV) | Profesor B.O. Beanes | |
| Road to Avonlea (TV) | Profesor Dimple | ||
| T bone 'N' Weasel | William 'Weasel' Weasler | ||
| Dead Ahead: The Exxon Valdez Disaster | Frank Iarossi | ||
| 1993 | Dennis the Menace | Switchblade Sam | |
| Addams Family Values | Tío Fester Addams | ||
| Twenty Bucks | Jimmy | ||
| 1994 | Angels in the Outfield | Al "The Boss" Angel | |
| Camp Nowhere | Dennis Van Welker | ||
| O gardián das palabras | Mr. Dewey / The Pagemaster | ||
| In Search of Dr. Seuss | Mr. Hunch | ||
| Radioland Murders | Zoltan: Eccentric | ||
| Felidae | Joker | Na dobraxe inglesa | |
| 1995 | Rent-a-Kid | Lawrence 'Larry' Kayvey | |
| Deadly Games | Jordan Kenneth Lloyd / Sebastian Jackal | ||
| Things to Do in Denver When You're Dead | Pieces | ||
| 1996 | Cadillac Ranch | Wood Grimes | |
| Toonstruck | Drew Blanc | ||
| 1997 | Quicksilver Highway | Aaron Quicksilver | |
| Anastasia | Grigorii Rasputín | Voz | |
| Angels in the Endzone | Al "The Boss" Angel | ||
| The Real Blonde | Ernst | ||
| 1999 | My Favorite Martian | Tío Martin | |
| Alice in Wonderland | O Cabaleiro Branco | ||
| Baby Geniuses | Heep | ||
| Convergence | Morley Allen | ||
| Man on the Moon | Jim Ignatowski,Taxi Remake | ||
| Spin City | Owen Kingston | ||
| It Came From the Sky | Jarvis Moody | ||
| 2001 | Wit | Doutor Harvey Kelekian | |
| When Good Ghouls Go Bad | Tío Fred Walker | ||
| Kids World | Leo | ||
| 2002 | Interstate 60 | Ray | |
| Wish You Were Dead | Bruce | ||
| Hey Arnold!: The Movie | Coroner | ||
| Cyberchase (TV) | Hacker | Voz | |
| The Big Time (TV) | Doc Powers | ||
| 2003 | Haunted Lighthouse | Cap'n Jack | |
| Tremors (TV) | Cletus Poffenberger | ||
| 2004 | I Dream (TV) | Profesor Toone | |
| Malcolm in the Middle (TV) | Hal's Father | ||
| 2005 | Stacked (TV) | Profesor Harold March | |
| Here Comes Peter Cottontail: The Movie | Seymour S. Sassafrass | ||
| Bad Girls From Valley High | Mr. Chauncey | ||
| The West Wing (TV) | Lawrence Lessig | ||
| 2006 | A Perfect Day (TV) | Michael | |
| Valerie on the Stairs (TV) | Everett Neely | Episodio de Masters of Horror | |
| 2007 | Numb3rs (TV) | Ross Moore | |
| 2008 | Law & Order: Criminal Intent (TV) | Carmine | Episodio "Vanishing Act" |
| Fly Me to the Moon | Avó | ||
| The Tale of Despereaux | Hovis | ||
| 2009 | Meteor (TV) | Dr. Lehman | |
| Knights of Bloodsteel (TV) | Tesselink | ||
| Call of the Wild | Avó Bill Hale | ||
| Foodfight! | Mr. Clipboard | ||
| Santa Buddies | Stan Cruge | ||
| 2010 | Piranha 3-D | Mr. Goodman | |
| Snowmen | The Caretaker | ||
| Chuck (TV) | Doutor Leo Dreyfus | Episodio S03E16: "Chuck Versus the Tooth" | |
| Jack and the Beanstalk | Headmaster | ||
| Back to the Future: The Game | Doctor Emmett "Doc" Brown | Videoxogo | |
| The Witches of Oz | Mago de Oz | ||
| 2011 | Fringe (TV) | Roscoe Joyce | Episodio: "O vagalume" |
| Love, Wedding, Marriage | Dr. George | ||
| Last Call | Pete | ||
| 2012 | Piranha 3DD | Mr. Goodman | |
| Thicker | Augustine | ||
| Excuse Me For Living | Lars | ||
| 2-Headed Shark Attack | Mr. Goodman |
Videoxogos editar
| Ano | Título | Papel |
|---|---|---|
| 1994 | Rescue the Scientists | Tenente Jack Tempus |
| 1996 | Toonstruck | Drew Blanc |
| 2004 | Back to the Future Video Slots | Dr. Emmett "Doc" Brown |
| 2010–2011 | Back to the Future: The Game | Dr. Emmett "Doc" Brown |
| 2015 | Lego Dimensions | Dr. Emmett Brown[7][8] |
| King's Quest | Rey Graham (ancián) | |
| 2020 | Kingdom Hearts III Re:Mind | Mestre Xehanort |
Notas editar
- ↑ "Sam Lloyd, Sr. Biography (1925-)". Filmreference.com. Consultado o 11 de febreiro de 2024.
- ↑ "Lloyd genealogy". Freepages.genealogy.rootsweb.com. Arquivado dende o orixinal o 15 de outubro de 2007.
- ↑ Christopher Lloyd Takes On Willy Loman Arquivado 04 de marzo de 2016 en Wayback Machine.. Articles.courant.com.
- ↑ Famous Descendants of Mayflower Passengers. Mayflowerhistory.com. Consultado o 11-02-2024.
- ↑ Campaña publicitaria del "Doc" Emmett Brown es un éxito en Argentina. Clarin.com
- ↑ California: quemada casa de Christopher Lloyd. Lanacion.cl. Consultado o 11-02-2024.
- ↑ CoinOpTV (16 de setembro de 2015). "Lego Dimensions Voice Actors Interviews". YouTube.
Lego Dimensions features the voice talents of Chris Pratt, Alison Brie, Michael J. Fox, Gary Oldman, Irrfan Khan, Charlie Day, Ellen McLain, Stephen Merchant, Christopher Lloyd, Peter Capaldi, Jenna Coleman, Michelle Gomez, Troy Baker, Tom Kane, Joel McHale, Elizabeth Banks, Tara Strong and More!
- ↑ Traveller's Tales. "Lego Dimensions".
Véxase tamén editar
Wikimedia Commons ten máis contidos multimedia na categoría: Christopher Lloyd  |