Chris Cornell

Chris Cornell
	;
Nome orixinal	(en) Christopher John Cornell Boyle
Biografía
Nacemento	(en) Christopher John Boyle ; 20 de xullo de 1964 ; Seattle, Estados Unidos de América
Morte	18 de maio de 2017 (52 anos); Detroit, Estados Unidos de América
Causa da morte	Suicidio
Lugar de sepultura	Hollywood Forever Cemetery (pt)
Datos persoais
País de nacionalidade	Estados Unidos de América
Relixión	Igreja Ortodoxa Grega (pt)
Educación	Shorewood High School (en)
Altura	190 cm
Actividade
Ocupación	guitarrista , compositor de cancións , compositor , pianista , produtor musical , músico , cantante , intérprete de banxo , cantautor , mandolinista
Período de actividade	1984 - 2017
Membro de	Soundgarden ; Alice Mudgarden (pt) ; Center for Disease Control Boys (en) ; Temple of the Dog ; Audioslave ; M.A.C.C. (en)
Xénero artístico	Música rock, Rock alternativo, Hard rock, Grunge, Metal alternativo, Post-grunge, heavy metal tradicional (pt) , Rhythm and blues, música psicadélica (pt) e música pop
Lingua	Lingua inglesa
Tesitura	Barítono ; ;
Instrumento	Guitarra, violín, Batería, baixo, Mandolina, piano, Harmónica e voz
Selo discográfico	Sub Pop ; A&M Records ; SST Records ; Republic Records
Familia
Cónxuxe	Susan Silver (pt) (1990–2004), divorcio
Pais	Edward Boyle (pt) e Karen Cornell (en)
Parentes	Peter Cornell (en) ()
	Sinatura
Páxina web	chriscornell.com

Christopher Cornell, nado en Seattle (Washington) o 20 de xullo de 1964 e finado en Detroit (Míchigan) o 17 de maio de 2017,^[1] foi un guitarrista, cantante e compositor coñecido sobre todo por ser o vocalista de bandas como Soundgarden e Audioslave. Foi tamén o líder de Temple of the Dog, dende 1990 ata 1992. Comezou a súa carreira musical como batería, antes de converterse en vocalista e guitarrista. Tamén é recoñecido o seu traballo en solitario, editando o seu primeiro álbum, Euphoria Morning, en 1999, e o segundo traballo en xuño do 2007, baixo o título Carry On.

Biografía editar

Infancia editar

Cornell naceu e viviu a súa infancia en Seattle, Washington. Os seus pais, de relixión católica irlandesa, son Ed Boyle (farmacéutico) e Karen Cornell (contable). O apelido de Chris era Boyle, pero despois do divorcio dos seus pais, el e os seus irmáns adoptaron o apelido de solteira da súa nai. Chris sufriu dun caso severo de depresión durante a súa adolescencia, cando só en raras ocasións saía de casa. Chegou ao punto de non saír desta durante case un ano completo, no que se dedicou a tocar a batería e a guitarra.

Soundgarden editar

Xunto con Nirvana, Alice in Chains e Pearl Jam, Soundgarden converteuse nunha das maiores e máis exitosas bandas da emerxente escena grunge de Seattle. Cornell ficou coñecido pola potencia e rango da súa voz, e polas súas escuras letras a miúdo tratando temas de morte e existencialismo. Soundgarden alcanzou a popularidade en 1991 co seu álbum Badmotorfinger. Usando este éxito como trampolín seguiulle a edición do seu máis aclamado traballo, Superunknown, editado en 1994, con 7 millóns de copias vendidas en todo o mundo e co cal Soundgarden gañou dous premios Grammy. O seu derradeiro traballo, Down on the Upside, editouse no ano 1996, un ano antes da disolución da banda.

Carreira en solitario editar

En 1998 comezou a traballar nun álbum en solitario no que colaborou con Alain Johannes e Natasha Shneider da banda Eleven. O álbum, Euphoria Morning, editouse o 21 de setembro de 1999 pero non tivo éxito comercial a pesar de que o sinxelo "Can't Change Me" foi nomeado a un premio Grammy. Cornell tamén contribuíu co tema "Sunshower" á banda sonora do filme de 1998 Great Expectations, e unha versión de "Mission", chamada "Mission 2000", usouse na película do 2000 Mission: Impossible II.