Carlos Pollán
Carlos Pollán Fernández, nado en León en 1966, é un ex-xogador, exadestrador de balonmán e político español de Vox que é o presidente das Cortes de Castela e León dende o 10 de marzo de 2022 e anteriormente foi presidente do club de balonmán CB Ademar (2009-2013).
| Biografía | |
|---|---|
| Nacemento | 1967  (56/57 anos) |
| Actividade | |
| Ocupación | balonmanista , adestrador , político , graduado social |
Traxectoria editar
Fillo de familia mineira.[1]. Graduado social diplomado pola Universidade de León en 1994 e grao en dereito pola Universidade Camilo José Cela en 2020, traballou como asesor laboral mentres formaba parte do cadro do equipo de balonmán Ademar de León dende 1986. Xogou como porteiro durante oito anos e adestrou os seus equipos xuvenís antes de se converter no presidente do club en 2009[2][3]. A súa presidencia acabou nun concurso de acredores por mor dunha débeda impagada de máis de 500 000 €[4].
Política editar
En 2019, Pollán presentouse como candidato á alcaldía de Sariegos nas eleccións locais sen lograr acta de concelleiro. Figurou no quinto lugar da lista de Vox ás Cortes de Castela e León nas eleccións autonómicas. En 2019 asumiu a presidencia de Vox na provincia de León no medio dunha crise ao non entrar o seu partido na deputación provincial [5]. Pollán encabezou a lista de Vox en León nas eleccións autonómicas de 2022[6] O 10 de marzo anunciouse un acordo para a formación dun goberno de coalición entre o PP e Vox e Pollán converteuse en presidente das Cortes[7].
Pollán, dentro da liña do seu partido, oponse á división de España en comunidades autónomas, e argumenta que as comunidades autónomas viraron entes centralizados e marxinaron provincias periféricas, como no caso do seu León natal[8].
Notas editar
- ↑ "Carlos Pollán, un hijo de minero hecho a sí mismo y acostumbrado a los balonazos". El Norte de Castilla. 10 de marzo de 2022.
- ↑ "Carlos Pollán, de las canchas de balonmano a presidir las Cortes de Castilla y León". El Español. 10 de marzo de 2022.
- ↑ "Carlos Pollán, nuevo presidente de Ademar". Marca. 2 de xullo de 2009.
- ↑ "El Ademar presenta concurso de acreedores". ileón. 1 de marzo de 2013.
- ↑ "Carlos Pollán, el dirigente de Vox que presidirá las Cortes de Castilla y León, quebró el club de balonmano Ademar". El Diario. 10 de marzo de 2022.
- ↑ "Carlos Pollán encabeza la lista leonesa de VOX a las elecciones del 13-F". León Noticias. 10 de xaneiro de 2022.
- ↑ "O PP e Vox chegan a un acordo para un goberno de coalición en Castela e León". G24. 10 de marzo de 2022.
- ↑ "Pollán: el buen portero al que no le gustan las comunidades autónomas". León Noticias. 10 de marzo de 2022.