Carlos Fernández Santander
Carlos Fernández Santander, nado na Coruña en 1944, é un periodista, historiador e escritor galego en lingua castelá.
| Biografía | |
|---|---|
| Nacemento | 1944  (79/80 anos)A Coruña, España |
| Datos persoais | |
| País de nacionalidade | España |
| Actividade | |
| Ocupación | xornalista , historiador |
| Lingua | Lingua castelá |
 | |
Traxectoria editar
Fillo de militar, quedou orfo de pai de neno, marchando a estudar a Madrid ao Colexio de Orfos do Exército, onde estivo oito anos. Regresou á Coruña na década de 1960, estudando Naútica e obtendo o título de capitán da Mariña Civil.
Como periodista foi redactor de La Voz de Galicia e colaborou nas revistas Defensa, Historia 16, Naval, Cambio 16, El Ciervo, La Aventura de la Historia e Diario 16. Foi comentarista radiofónico en Antena 3 Galicia e Radiovoz.
No mundo do cinema foi director de documentais, recibindo premios como El Bosco de Oro, o primeiro premio do Festival Internacional de Cala D'Or ou o Gran Premio Castelo d'Ouro (Lisboa). Foi guionista de televisión d' O monacato en Galicia (TVG) e ¿Lembraste? (crónica sentimental del franquismo).
Como historiador centrouse na Guerra Civil e o franquismo en Galiza. Dirixiu a reedición comentada de Galicia Mártir - Episodios del terror blanco en las provincias gallegas, en 2005, publicada como Galicia bajo la bota de Franco. Galicia Mártir[1], publicada en París e Argentina en 1938 co pseudónimo de Hernán Quijano, contando a sublevación militar e a represión nas provincias de Pontevedra e A Coruña entre agosto e decembro de 1936. Non se coñece a autoría real tralo pseudónimo de "Hernán Quijano", se ben Fernández fala de Luis Seoane e Manuel Domínguez Benavides[2].
Obra editar
- El Alzamiento de 1936 en Galicia: datos para una historia de la guerra civil (1982)
- Los militares en la transición política española (1982)
- Paracuellos del Jarama: ¿Carrillo culpable? (1983)
- Antología de cuarenta años (1936-1975) (1983)
- El almirante Carrero (1985)
- Tensiones militares durante el franquismo (1985)
- La persecución de Castelao durante el franquismo (1986)
- El franquismo y transición política en Galicia (1986)
- El fútbol durante la guerra civil y el franquismo (1990)
- El crucero en la Armada española (1993)
- Bibliografía de la novela de la guerra civil y el franquismo (1996)
- Alzamiento y Guerra Civil en Galicia (2000)
- Casares Quiroga, una pasión republicana (2000)
- El exilio gallego de la guerra civil (2003)
- El general Franco: un dictador en un tiempo de infamia (2005)
Premios editar
Obtivo o premio Ejército do Ministerio de Defensa e os premios Wesceslao Fernández Flórez e Julio Camba de periodismo.
Notas editar
- ↑ Galicia mártir Arquivado 02 de decembro de 2012 en Wayback Machine., edición en castelán de 1949.
- ↑ Reseña de Galicia bajo la bota de Franco. na web da editorial (en castelán).