Carl David Anderson
Carl David Anderson, nado en Nova York o 3 de setembro de 1905 e finado en San Marino (California) o 11 de xaneiro de 1991, foi un físico estadounidense.
Nome orixinal | (en) Carl David Anderson |
---|---|
Biografía | |
Nacemento | 3 de setembro de 1905 Nova York, Estados Unidos de América |
Morte | 11 de xaneiro de 1991 San Marino, California |
Lugar de sepultura | Forest Lawn Memorial Park (pt) |
Datos persoais | |
Residencia | Nova York |
País de nacionalidade | estadounidense |
Educación | Instituto Tecnolóxico de California |
Director de tese | William Ralph Smythe (pt) e Robert Andrews Millikan |
Actividade | |
Campo de traballo | física |
Ocupación | físico , profesor universitario |
Empregador | Instituto Tecnolóxico de California |
Membro de | |
Alumnos | Donald Arthur Glaser |
Lingua | Lingua inglesa |
Obra | |
Doutorando | Donald Arthur Glaser, Seth Neddermeyer (pt) e Carl A. Rouse (en) |
Familia | |
Cónxuxe | Elvira Lorena Bergman (en) |
Premios | |
Premio Nobel de Física (1936) | |
Traxectoria editar
Era fillo de emigrantes de orixe sueca. Estudou física e enxeñería no Instituto Tecnolóxico de California, obtendo o seu Bachelor of Sciences en 1927 e doutorándose en 1930. Posteriormente, en 1939, foi catedrático do departamento de Física en devandita Universidade.
Pronto destacou polos seus traballos de investigación sobre os fotoelectróns producidos por raios X, a radiación cósmica -en colaboración con Robert Andrews Millikan -, os raios gamma e a radioactividade inducida. Fotografando os rastros de raios cósmicos na cámara de ionización, descubriu en 1932 unha partícula que bautizou co nome de positrón, chamada tamén electrón positivo por ter a mesma carga positiva que un protón e a mesma masa que un electrón, e cuxa existencia fora predita uns anos antes por Paul Adrien Maurice Dirac.
En 1938 descubriu outra importante partícula elemental relacionada cos raios cósmicos, o mesón (chamado agora mesón ý), previsto xa por Hideki Yukawa en 1935. En 1950 achegou probas da existencia de partículas V cargadas e neutras.
Polo seu descubrimento do positrón outorgóuselle o Premio Nobel de Física en 1936, compartido con Victor Franz Hess.