Capela Real de Granada

A Capela Real de Granada é un templo relixioso situado no centro histórico da cidade de Granada. Nela atópanse soterrados os Reis Católicos, Xoana I de Castela e Filipe I de Castela.

Capela Real de Granada
Entrada á capela
País	España
Advocación	Xoán Bautista e Xoán Evanxelista
Localización	Granada, España
Coordenadas	37°10′34″N 3°35′57″O
Culto
Culto	Católico
Diocese	Arquidiocese de Granada
Estilo	Arquitectura gótica e arquitectura do Renacemento
Páxina web	http://www.capillarealgranada.com/index.en.html
[ editar datos en Wikidata ]

Historia

Os Reis Católicos escolleron coma lugar de soterramento a cidade de Granada, e mediante Real Cédula de data 13 de setembro de 1504, estableceron a construción da Capela Real. Comezou a construírse no ano 1505 por Enrique Egas en estilo gótico. Ademais interviñeron na súa construción Juan Gil de Hontañón, Juan de Badajoz el Viejo e Lorenzo Vázquez de Segovia.

Rematouse no 1517, consagrándose aos santos Xoán Bautista e Xoán Evanxelista. Ao longo dos anos dotouse de obras de arte, obxectos litúrxicos e reliquias. Perdeu certa importancia cando Filipe II decidiu que o lugar de soterramento da súa dinastía estivera no Escorial, a onde trasladou algúns dos restos.

O museo foi creado no ano 1913. Co desenvolvemento do turismo en España na segunda metade do século XX, converteuse nun dos centros de atracción turística da cidade de Granada.

Galería

• 
  Hans Memling: Díptico de Granada. Á esquerda: Aceptación da Cruz, c. 1475
• 
  Roger van der Weyden: Nacemento de Cristo, 1435-1438
• 
  Sandro Botticelli: Oración do horto

Véxase tamén

Ligazóns externas

• Capela Real de Granada