Coordenadas: 41°37′17″N 0°36′51″L / 41.621267, 0.614147

O Camp d'Esports é un estadio de fútbol da cidade de Lleida, en Cataluña (España). É un recinto deportivo municipal que alberga os partidos do Club Lleida Esportiu, equipo que milita actualmente na Segunda División B.

Camp d'Esports
Datos
LocalizaciónTravessera del Dr. Fleming, s/n, 25006;
Lleida, España
Construción
Inauguración1 de xaneiro de 1919
Estadio
SuperficieCéspede
Dimensións103 x 68
Capacidade13.500
PropietarioConcello de Lleida
LocalíaUnió Esportiva Lleida (1939–2011)
Club Lleida Esportiu (desde 2011)

Historia editar

O Camp d'Esports é un dos campos de fútbol máis antigos de España. Inaugurouse o 1 de xaneiro de 1919, e nel xogou un dos primeiros clubs de Lleida, o Joventut FC. O seu deseño correu a cargo do arquitecto leridano Adolf Florensa. Ademais de fútbol, o campo albergou outros deportes.

Co paso do tempo, o Camp d'Esports sufriu varias ampliacións e remodelacións, para dotalo dun maior aforamento. A maior renovación deuse en 1993, cando se homologou ás normas da Liga de Fútbol Profesional con medidas de seguridade, iluminación e eliminación das localidades sen asento.