Círcol Catòlic de Badalona
O Círcol Catòlic de Badalona, coñecido por motivos de patrocinio como El Círcol Cotonifici Badalona e ás veces en castelán como Círculo Católico, é un club de baloncesto profesional español con sede en Badalona, Cataluña. Actualmente compite na Copa Catalunya, quinta categoría do baloncesto español. Fundado en 1941, chegou a competir múltiples temporadas na máxima categoría. En 1983 cede a súa licenza federativa ao CB Santa Coloma, xogando as tres últimas en Santa Coloma de Gramenet co nome de Licor 43.
| Círcol Cotonifici | |
| Información xeral | |
|---|---|
| Liga | Primeira autonómica |
| Fundación | 1941 |
| Cores | Branco, azul |
| Presidente | Antoni Forteza |
| Localización | |
| Cidade |  Badalona, España
|
| Pavillón | Pavelló La Plana |
| Capacidade | 3 300 |
| Inauguración | 1972 |
| elcircol.cat | |
Historia editar
A sección de baloncesto do Círcol Catòlic foi fundada en 1941, competindo en Terceira División até 1958, cando ascende á Segunda División. O Círcol xogou dez temporadas nesta liga antes de descender novamente á Terceira en 1970. Con todo, en tan só dous anos, o equipo logrou o ascenso á Liga Nacional con Domènec Tallada como Presidente e cun equipo adestrado por Josep Xicart e formado por Ezequiel Barrios, Antoni Baqué, Josep Machado, Josep Mañosa, Ricard Horta, Enric Campos, Josep Cisa, Buñuel, Pere Suñol, Josep Vila e Joan Costa.
A mediados dos anos 1970 o Círcol Catòlic conseguiu o patrocinio da empresa badalonesa Cotonificio, o que significou un grande impulso económico e deportivo para o club. Desde entón, o equipo foi coñecido como Cotonificio de Badalona. En 1978 conseguiu a cuarta posición na liga española e clasificouse para disputar a Copa Korać da tempada seguinte, da que chegou a disputar as semifinais. Naqueles anos formaron parte do club xogadores e adestradores como Manel Comas, José María Oleart, Aíto García Reneses, Quim Costa, Andrés Jiménez, Héctor Perotas, Agustín Custa, Javier Mendiburu, Adolfo Sada ou Jack Schroeder entre outros.
O patrocinio da empresa Cotonificio mantívose até 1983. A retirada do patrocinador e a falta de liquidez económica obrigou ao Círculo Católico a renunciar a disputar a Liga ACB. En 1983 o club cede a súa licenza federativa ao CB Santa Coloma da veciña Santa Coloma de Gramenet, onde co patrocinio da empresa Licor 43 xoga tres temporadas na máxima categoría.[1] O Círcol desmantelou a sección de baloncesto, aínda que volveuna a pór en marcha un ano despois, en 1984, mais nunha situación moi diferente á de anos anteriores: o primeiro equipo tivo que empezar a competir de novo na última categoría do baloncesto catalán,. Actualmente o primeiro equipo do Círcol compite na Copa Catalunya, nome que recibe en Cataluña a Primeira División autonómica inmediatamente inferior á Liga EBA.
Notas editar
- ↑ "Licor 43 de Santa Coloma". feb.es (en castelán).