Bulgarian Air Charter
Bulgarian Air Charter é unha aeroliña chárter búlgara con sede en Sofía e baseada no aeroporto de Sofía. Opera voos para varios turoperadores cara a destinos principalmente en Austria, República Checa, Alemaña, Israel e Polonia.
| Bulgarian Air Charter Българиан Ер Чартър | ||
|---|---|---|
 | ||
| IATA H6 | OACI BUC | Indicativo BULGARIAN CHARTER |
| Fundación | 2000 | |
| Aeroporto principal | aeroporto de Sofía | |
| Frota | 17 | |
| Páxina web: http://www.bgaircharter.com | ||
Historia editar
Bulgarian Air Charter fundouse no ano 200 e comezou a operar o 14 de decembro dese ano como subsidiaria do Aviation Service Group. A súa frota inicial estaba formada por cinco avións Tupolev Tu-154.
No ano 2004 a compañía retirou os Tu-154 e os substituíu por sete McDonnell Douglas MD-80. En 2011 a súa frota medrara ata os 12 MD-80. En setembro de 2015 Bulgarian Air Charter incorporou o primeiro Airbus A320-200 á súa frota.
A aeroliña ten a súa propia unidade de mantemento con capacidade para avións McDonnell Douglas MD-80 e Boeing 737 Classic, e onde pode realizar traballos coas fuselaxes, motores e trens de aterraxe, ademais de poder facer revisións de todos os compoñentes dos aparellos.[1]
Frota editar
En maio de 2018 a frota de Bulgarian Air Charter estaba formada polos seguintes avións:[2]
| Avión | En servizo | Pedidos | Pasaxeiros | Notas |
|---|---|---|---|---|
| Airbus A320-200 | 7 | — | 174 | |
| McDonnell Douglas MD-82 | 10 | — | 164 | Van ser retirados e substituídos por avións da familia A320 |
| Total | 17 | — |
Notas editar
- ↑ Bulgarian Air Charter (ed.). "MRO Bulgarian Air Charter". Consultado o 14 de xuño de 2018.
- ↑ Planespotters (ed.). "Bulgarian Air Charter Fleet Details and History". Consultado o 14 de xuño de 2018.