Birmingham

Birmingham
Localización
	52°28′48″N 1°54′09″O / 52.48, -1.9025Coordenadas: 52°28′48″N 1°54′09″O / 52.48, -1.9025
Estado	Reino Unido
País	Inglaterra
Rexións	Midlands do Oeste - West Midlands
Condado metropolitano (pt)	Midlands Ocidentais (pt)
Distrito metropolitano (pt)	Birmingham (en)
Capital de	Midlands Ocidentais (pt) ; Birmingham (en)
Poboación
Poboación	1.137.100 (2017) (4.246,55 hab./km²)
Lingua oficial	lingua inglesa
Xeografía
Superficie	267,77 km²
Bañado por	Tame Valley Canal (en) , River Tame (en) e River Rea (en)
Altitude	140 m
Creación	século VII
Organización política
• Xefe do goberno	Yvonne Mosquito (pt) (2018–)
Identificador descritivo
Código postal	B
Fuso horario	UTC±00:00; UTC+01:00, horario de verán
Prefixo telefónico	121
Código NUTS	UKG31
Outro
Irmandado con	Lión ; Xohanesburgo ; Xi'an ; Chicago ; Cantón, China ; Frankfurt (1966–); Zaporíjia (pt) (1973–); Milán (1974–); Changchun (1983–); Leipzig (1992–)
Páxina web	birmingham.gov.uk

Birmingham é unha cidade inglesa situada no condado metropolitano de Midlands do Oeste, pertencente á rexión inglesa homónima, terra ondulada pobre para o cultivo pero rica en xacementos de carbón e ferro, ao sur dos Peninos. Segundo estimacións do 2008 ten 1 016 800 habitantes, que ascenden a 2 284 093 se temos en conta a súa área metropolitana (censo 2001). Tradicionalmente é considerada a segunda cidade de Inglaterra e o Reino Unido en termos de poboación, aínda que Manchester dispútalle ese posto en canto a representatividade.

Historia editar

A súa orixe data dos tempos das invasións anglosaxoas cara ao ano 700 cando un xefe tribal, o saxón Beorma, asentou a súa xente preto do río Rea (Beorma inga ham, fogar ou aldea do pobo de Beorma).

Mais o verdadeiro nacemento de Birmingham data do 1154, cando o señor feudal do lugar conseguiu a concesión dun mercado xunto o seu soar, nun cruzamento de camiños ao carón dunha capela e futura igrexa de San Martiño, preto do vao do río. Dito mercado, coñecido aos poucos coma o Bull Ring, foi o berce e aínda hoxe, o corazón sentimental da cidade.

De todas as maneiras, Birmingham mantívose coma un centro secundario ata a metade do século dezaoito, cando a coincidencia na súa área dunha serie de persoas excepcionais xunto a factores xeolóxicos (a antedita riqueza mineira no Black Country) deron nacemento a Revolución Industrial. Entre aqueles merecen destacarse James Watt e Matthew Boulton, William Murdoch e Joseph Priestly, enxeñeiros, físicos, industriais e filósofos que coas súas invencións, desenvolvementos mecánicos e nova visión deron pulo a unha nova época. Reuníanse nunha curiosa tertulia que bautizaron coma Sociedade Lunar.

A partir de 1750 a poboación triplicouse ata 1800 e case decuplicouse no século XIX (24.000,74.000,600.000h respect.). As industrias, sobre todo metalúrxicas, empregaban a toda esa masa traballadora e a cidade recibiu alcumes coma "o taller do mundo" ou "a cidade dos mil negocios".