Barbara Terhal
Barbara M. Terhal, nada en 1969 na cidade surholandesa de Leiden, é unha física teórica dos Países Baixos.
| Biografía | |
|---|---|
| Nacemento | 1969  (54/55 anos)Leiden, Países Baixos |
| Datos persoais | |
| Residencia | Voerendaal (pt)  |
| País de nacionalidade | Reino dos Países Baixos |
| Educación | Universidade de Ámsterdam Universidade Técnica de Aquisgrán Universidade de Tecnoloxía de Delft |
| Tese académica | 'Quantum Algorithms and Quantum Entanglement ("Algoritmos Cuánticos e Entrelazamento Cuántico") |
| Coñecido por | Estudo do entrelazamento cuántico. Formulación do entanglement witness ("testemuño de entrelazamento") |
| Actividade | |
| Campo de traballo | Física teórica, física cuántica, enxeñaría física. |
| Ocupación | física |
| Empregador | Universidade Técnica de Delft Research Centre Jülich (en) |
| Membro de | |
| Familia | |
| Cónxuxe | David P. DiVincenzo |
| Páxina web | pure.tudelft.nl… |
Entre o seu labor investigador son salientables os seus traballos centrados no entrelazamento cuántico, ámbito no que se lle debe a cuñaxe do termo entanglement witness ("testemuño de entrelazamento").[1]
Traxectoria editar
Terhal cursou os seus estudos universidatarios na Universidade de Ámsterdam, onde en 1999 acadou o título de doutora en Física Teórica cunha tese titulada Quantum Algorithms and Quantum Entanglement ("Algoritmos Cuánticos e Entrelazamento Cuántico").[2]
Logo da súa estadía posdoutoral, de 1999 a 2001, no IBM Watson Research Center de Nova York, nos Estados Unidos, formou parte de diversos grupos de investigación nese país, ata que en 2010 tomou posesión do seu posto como profesora de Física teórica da Universidade Técnica de Aquisgrán, no estado alemán de Renania do Norte-Westfalia, onde se mantivo ata o ano 2017.[3]
Desde 2015 é xefa dun grupo de nanoelectrónica teórica no Forschungszentrum Jülich ("Centro de Investigación de Jülich") en Alemaña.
En 2017 entrou a formar parte como profesora da Universidade de Tecnoloxía de Delft, onde dirixe un grupo de investigación cuántica no QuTech, onde tamén desenvolven o seu labor outros destacados investigadores en Física cuántica, como os profesores Kouwenhoven ou DiVincenzo.[4][5]
Desde 2014 é, ademais, profesora investigadora visitante no Perimeter Institute for Theoretical Physics en Waterloo, Canadá.[6]
En abril de 2020 foi elixida membro da Real Academia Neerlandesa de Artes e Ciencias (Koninklihjke Nederlandse Akademie Van Wetenschappen).[7]
Publicacións salientables editar
Esta é unha escolla das publicacións máis significativas de Barbara Terhal:[8]
- B.M. Terhal e J.A. Smolin, “Single quantum querying of a database”, Phys. Rev. A 58, 1822 (1998)
- B.M. Terhal, I.L. Chuang, D.P. DiVincenzo, M. Grassl e J.A. Smolin, “Simulating quantum operations with mixed environments,” Phys. Rev. A 60, 881 (1999)
- B.M. Terhal, “Bell Inequalities and The Separability Criterion”, Physics Letters A 271, 319 (2000)
- B.M. Terhal e D.P. DiVincenzo, “Adaptive quantum computation, constant depth quantum circuits, and Arthur Merlin games”, Quant. Inf. and Comp. 4:2, pp. 134–145 (2004)
- R. Oliveira e B.M. Terhal, “The Complexity of Quantum Spin Systems on a Two-dimensional Square Lattice”, Quant. Inf. Comp. Volume 8, No. 10, pp. 0900–0924 (2008)
- S. Bravyi e B.M. Terhal, “A No-Go Theorem for a Two-Dimensional Self-Correcting Memory Based on Stabilizer Codes”, New J. Phys. 11 (2009)
- B.M. Terhal, F. Hassler e D.P. DiVincenzo, “From Majorana Fermions to Topological Order”, Phys. Rev. Lett. 108, 260504 (2012)
- B.M. Terhal, “Quantum Error Correction for Quantum Memories”, Rev. Mod. Phys. 87, 307 (2015)
- K. Duivenvoorden, B.M. Terhal e D. Weigand, “Single-mode Displacement Sensor”, Phys. Rev. A 95, 012305 (2017)
- E.T. Campbell, B.M. Terhal e C. Vuillot, “Roads towards fault-tolerant universal quantum computation”, Nature 549, 172 (2017)
Notas editar
- ↑ "Bell Inequalities and the Separability Criterion". Physics Letters A Vol. 271, 319 (2000) (en inglés)
- ↑ "Barbara Terhal". En QuTech.nl (en inglés)
- ↑ "Barbara M. Terhal Arquivado 21 de decembro de 2016 en Wayback Machine.". En Zoominfo.com (en inglés)
- ↑ "Terhal Group". En Qutech.nl (en inglés)
- ↑ "Delft, Aachen and Jülich join forces to build scalable quantum technologies Arquivado 06 de marzo de 2018 en Wayback Machine.". TU Delft (en inglés)
- ↑ "ERC-Projekte". RWTH Aachen University.
- ↑ "Knaw kiest achttien nieuwe leden Arquivado 02 de maio de 2020 en Wayback Machine.". Koninklihjke Nederlandse Akademie Van Wetenschappen.
- ↑ "Publications". En QuTech.nl (en inglés)
Véxase tamén editar
Outros artigos editar
Ligazóns externas editar
- Barbara Terhal en Facebook
- Entrevista a Barbara TerhalArquivado 10 de decembro de 2018 en Wayback Machine.. Isaac Newton Institute for Mathematical Sciences
- Vídeo: Topological order. Course on ttopology in condensed matter. Barbara Terhal