Bandeira de Ucraína

A bandeira de Ucraína (en ucraíno: державний прапор України, derzhavnyy prapor Ukrayiny) aparece descrita no artigo 20 da Constitución e está composta por dúas franxas horizontais de igual tamaño de cor azul e amarelo. Foi adoptada o 28 de xaneiro de 1992. A insignia azul e amarela foi empregada por primeira vez durante a Revolución de 1848 e tivo carácter oficial durante un curto período, dende o 12 de novembro de 1918. As súas proporcións son de 2:3.

Bandeira de Ucraína
Características
Uso	...
Proporción	2:3
Adopción	1918 28 de febreiro de 1992
Cores	Azul     Amarelo

Deseño

A Lei de Ucraína afirma que as cores da bandeira ucrína son "azul e amarelo", non especificando que tonalidade concreta é de cada cor. As comunidades heráldicas tentan encher o baleiro e especificar unhas cores "verdedeiras". De acordo co sitio web afeccionado vexilla-mundi.com as cores serían:

Esquema	Azul escuro	Amarelo
Pantone	286 C	108 C
RGB	0-0-205	249-221-22

Historia

Varias foron as bandeiras usadas por Ucraína en diferentes períodos ao longo da historia. A primeira referencia ás cores utilizadas na bandeira nacional data da época dos Hetman e foi atopada na crónica de Lviv do século XVII. Crese que o escudo de armas da cidade de Lviv, celeste e amarelo, foi legado á cidade polo príncipe Lev. As mesmas cores aparecen no escudo de armas dos rutenos (grupo de ucraínos que vivían na zona leste de Checoslovaquia e nos Cárpatos) que, nos séculos XIV e XV, formaban parte de Polonia. Nas descricións que se facían nos tempos dos Hetman das bandeiras militares (despois do Consello de Periaslav de 1654) xa se mencionaba o azul ceo como a cor da bandeira. A mesma levaba diferentes emblemas e lemas. Ademais do azul ceo e do amarelo, outro das cores emüpleados polo Estado cosaco era o vermello.

A orixe heráldica das cores da bandeira nacional perdéronse. Así, a cor azul pasou a representar o ceo, mentres que o amarelo fixo o mesmo cos campos de trigo. O 22 de marzo de 1918, o Consello Central de Ucraína adoptou simultaneamente a bandeira azul e amarela e o tridente como símbolos nacionais. O mesmo fixo o goberno da República Nacional de Ucraína Occidental o 12 de novembro de 1918. O Consello Nacional de Ucraína, por medio da resolución do día 27 de xuño de 1949, anuncia que a bandeira nacional está composta por dúas franxas horizontais, azul e amarelo, respectivamente.

Bandeiras históricas

• 
  Galitsia-Volynia
  (1199–1349)
• 
  Hetmanato cosaco
  (1649–1782)
• 
  R. Popular Ucraína
  (1917–1918)
• 
  R.P. Ucraína (naval)
  (1917–1921)
• 
  Ucraína Occidental
  (1918–1919)
• 
  Territorio Libre
  (1918–1921)
• 
  RSS Ucraína
  (1923–1927)
• 
  RSS Ucraína
  (1929–1937)
• 
  RSS Ucraína
  (1937–1949)
• 
  RSS Ucraína
  (1949–1992)
• 
  Ucraína
  (dende 1992)

Outras bandeiras

• 
  Bandeira naval
• 
  Exército de terra
• 
  Forzas aéreas
• 
  Garda marítima
• 
  Pavillón presidencial

Véxase tamén

Ligazóns externas

• Ucraína en Flags of the World (en inglés)