As Ventelas, Lebozán, Beariz

As Ventelas é un lugar da Parroquia de Lebozán, pertence ao concello de Beariz, da comarca do Carballiño (provincia de Ourense).​ No ano 2008 tiña dezasete habitantes (dez homes e sete mulleres).

As Ventelas
Rúa coa Eira dos hórreos ao fondo.
Parroquia	Lebozán
Concello	Beariz
Coordenadas	42°29′58″N 8°15′25″O
Poboación	18 hab. (2017)
[ editar datos en Wikidata ]

Xeografía

O lugar das Ventelas linda ao norte coa estrada nacional N-541, que é a súa principal vía de comunicación, e a aldea das Antas, que pertence tamén a Beariz. Situada entre a serra do Cando e a serra do Candán, nunha das ladeiras do monte Marcofán, pertence á histórica comarca de Tabeirós - Terra de Montes. O rueiro das Ventelas confórmao unha única rúa.

Probabelmente o seu nome teña que ver co feito de que é unha zona na que ventea moito durante todo o ano.^{[Cómpre referencia]}

Patrimonio

Patrimonio material

• Monte veciñal en man común. Aparecendo recollido no Catálogo de entidades de economía social da Xunta de Galicia, como Comunidade e mancomunidade de montes.

• Mámoas da Bola: a necrópole megalítica da Bola está composta por dous túmulos ou mámoas.
• Mámoas da Chancela: no conxunto da Chancela tamén hai varios petróglifos.
• Eira das Ventelas: na eira hai varios horreos pertencentes a distintas familias, construídos na súa maioría en lousa.

• Muíño das Ventelas: hai tamén un muíño de herdeiros, restaurado, na estrada cara a Lebozán.
• Abellariza: Hai unha abellariza sem uso dende principios do 2000. Atópase nunha ladeira da parte mais moderna do lugar.

Cultura popular

Hai un refrán que predí o tempo que vai facer ao día seguinte: "Rubio cara ao mar, vellos a solar, rubio cara a Ribeira, vellos na paneira".

No segundo disco do grupo Leilía, I é verdade i é mentira (1998), aparece a peza "Palabra de casamento", recollida nesta aldea.

Camiño de Santiago​

A sexta etapa do Camiño Miñoto Ribeiro, discorre polos montes das Ventelas.​

Patrimonio natural

Hai unha gran variedade de fauna nos montes que rodean á aldea, mas no mesmo lugar non é estraño ver ou escoitar diferentes especies de aves, nocturnas ou diúrnas. A avifauna é variada, e habitualmente escóitase o gaio, o corvo, o pico verde, o cuco, o estorniño, a lavandeira branca, a avenoiteira, a avelaiona, os miñatos... Tamén hai mamíferos como corzos, cabalos e vacas bravas, xabarís, raposos ou teixugos. Entre os anfibios e réptiles están as píntegas, a víbora seoane, o lagarto das silvas...

Entre a fauna, hai árbores como carballos, acivros, loureiros, bidueiros, castiñeiros. Arbustos coma os toxos. Entre as flores pódese ver xacinto silvestre, tollemerendas...

Galería de imaxes

• 
  Eira dos Hórreos.
• 
  Alvariza con cortizo tradicional.
• 
  Casa
• 
  Mámoas da Bola.
• 
  Cabalos salvaxes dentro da Casa da Tía Sara.
• 
  Cabalos salvaxes na contorna.

Lugares e parroquias

Véxase tamén

Ligazóns externas

• Plan Municipal de prevención e defensa contra os incendios forestais do concello de Beariz 2022. Faixa de protección das Ventelas.
• "Historias de Beariz: Ordenanzas Municipales 1899". BadalNovas. 31 de xaneiro de 2021.