Apolodoro de Damasco

Apolodoro de Damasco, (en grego: Aπολλόδωρος), nado en Damasco (na actual Siria) entre o ano 50 e o 60 e finado cara ao 129 ou 130, foi un arquitecto e enxeñeiro da Roma Antiga.

Apolodoro de Damasco

Biografía
Nacemento	c. 50 Damasco
Morte	c. 129 Roma
Causa da morte	Pena de morte
Datos persoais
País de nacionalidade	Roma Antiga
Actividade
Lugar de traballo	Roma
Ocupación	arquitecto , enxeñeiro , escritor , urbanista
Período de tempo	Alto Imperio Romano
Lingua	Grego antigo
Obra
Obras destacables Trajan's Bridge (en) Poliorcetica (en)

Arco de Traxano, Ancona, obra de Apolodoro.

Traxectoria

Foi chamado a Roma polo emperador Traxano o ano 92, manténdose como enxeñeiro e arquitecto dese emperador até a morte do mesmo en 117. Foi así mesmo escultor e autor de tratados técnicos, especialmente sobre máquinas de guerra.

Consonte a tradición, o emperador Hadriano condenaríao a morte por terse moqueado dos planos que elaborara, segundo nos foi transmitido por Dión Casio.

A obra

Foi o arquitecto de numerosas construcións públicas:

• A ponte das Portas de Ferro (102-104) en Dobretæ sobre o río Danubio (actualmente Turnu-Severin en Romanía). Na beira serbia, os seus vestixios áchanse hoxe integrados con outros da mesma época, como a Mesa de Traxano e máis restos da vía romana mandada construír por ese emperador, no que hoxe é o parque nacional de Đerdap, preto de Kladovo, en Serbia. Era unha ponte con piares de pedra que sostiñan un taboleiro de madeira, con bóvedas de 57 m. Tiña as seguintes dimensións: 1135 m de lonxitude, 45 m de altura e 20 m de largor.
• O Odeón (106), en Roma, que era unha sala de concertos redonda.
• O foro de Traxano (107-113), tamén en Roma.
• A columna de Traxano (113), colocada no mesmo foro de Traxano.
• As termas de Traxano, que se estendían sobre todo o espazo do que actualmente é o Parque das Termas, e comprendían, ademais dos baños propios, espazos reservados para exercicios físicos, para actividades culturais, con dúas bibliotecas, e salas de lecer. Edificadas sobre o lugar da Domus Aurea, que foi en parte enterrada pola construción das termas, o que permitiu que recentemente se recuperasen algún elementos.
• Arco de triunfo de Traxano, en Benevento.
• Arco de triunfo de Traxano, en Ancona.

Existe un amplo consenso entre os especialistas que atribúe a Apolodoro o deseño do Panteón de Agripa.

Véxase tamén

Bibliografía

• "Apolodoro de Damasco". Enciclopedia Galega Universal. Ir Indo. 1999-2002. ISBN 84-7680-288-9.