Antonio Díaz-Miguel
Antonio Díaz-Miguel Sanz, nado o 6 de xullo de 1933 en Alcázar de San Juan, Cidade Real e finado o 21 de febreiro de 2000 en Madrid aos 66 anos, foi un xogador e adestrador profesional de baloncesto español. É membro do prestixioso Basketball Hall of Fame.
| |
| Información persoal | |
|---|---|
| Nacemento | 6 de xullo de 1933 Alcázar de San Juan, España
|
| Falecemento | 21 de febreiro de 2000 (66 anos) Madrid, España
|
| Altura | 1,86 m (6 ft 1 in) |
| Posición | Ala |
| Información da carreira | |
| Canteira | Estudiantes |
| Internacional | 27 veces |
| Historial de equipos | |
| Como xogador: Estudiantes (1953–1958) Real Madrid (1958–1961) Club Águilas Bilbao (1961–1963) | |
| Como adestrador: Club Águilas Bilbao (1963–1966) Selección de España (1965–1992) Pallacanestro Cantù (1993) | |
| Premios e galardóns | |
| 1× Xogos do Mediterráneo (1955) 2× Liga Española (1959, 1960) | |
Foi xogador do Club Baloncesto Estudiantes e do Real Madrid, chegando a ser internacional coa Selección de baloncesto de España en vinte e sete ocasións. Pero os maiores éxitos da súa carreira conseguiunos como adestrador e, concretamente, como Seleccionador de España, á que dirixiu durante 27 anos entre 1965 e 1992. Estudou en Madrid e licenciouse en Enxeñaría Industrial na Universidade de Bilbao.
Carreira editar
Xogador editar
Estudante do Instituto Ramiro de Maeztu de Madrid, Díaz-Miguel inclinouse tarde polo baloncesto. El xogaba a fútbol, e capitaneaba o equipo do instituto. Pero en 1950, cando contaba con 17 anos, o instituto fundou o Club Baloncesto Estudiantes, e decidiu mudar de deporte. Era relativamente alto para a época (medía 1,86 metros) e apuntaba calidades tamén para o deporte da canastra. Enseguida destacou pola súa garra e habilidade no xogo interior, xogando como pivote.
Fichou polo Real Madrid e chegou a ser 26 veces internacional coa Selección de baloncesto de España entre 1952 e 1959, participando en dúas edicións dos Xogos Mediterráneos: nos de 1955, onde a selección española gañou a medalla de ouro, e os de 1959. Tras a súa retirada como xogador de baloncesto iniciou a súa carreira como técnico no Club Águilas de Bilbao, cidade onde estudara a carreira de enxeñaría.
Adestrador editar
Foi adestrador da selección española durante 27 anos (dende 1965 até 1992) o que constitúe unha marca mundial de permanencia á fronte dunha selección en todos os deportes. Dirixiu a selección española en 431 partidos. Levou o combinado español a clasificarse para participar en seis Xogos Olímpicos, e a conseguir a medalla de prata nos Xogos Olímpicos de 1984, a segunda máis alta clasificación até o momento do equipo español tras conseguir a vitoria na final do mundial do Xapón 2006. Antonio Díaz-Miguel dirixiu tamén a selección española en 13 campionatos de Europa, onde conseguiu dúas medallas de prata (1973 e 1983) e unha de bronce (1991).
Díaz-Miguel clasificou a selección española a participar en catro fases finais do Campionato do Mundo, onde chegaría a conseguir unha meritoria cuarta posición o Mundial de 1982. Tamén se pode destacar a medalla de prata que conseguiu a selección española nos Xogos do Mediterráneo de 1987.
Logo de deixar a selección adestrou brevemente o equipo italiano Pallacanestro Cantù e despois o Pool Getafe, un dos mellores equipos españois do momento da Liga Feminina, xa desaparecido.
Foi nomeado "Mellor adestrador do ano" en España en 1981 e 1982. Dirixiu seis veces a seleccións europeas (All-Star), equipos creados en Europa raramente e en ocasións moi especiais. Foi tamén un pioneiro na promoción mundial do baloncesto, recibiu moitos premios como adestrador, e foi conferenciante sobre baloncesto por todo o mundo. Incluírono no Salón da Fama do Baloncesto como adestrador o 29 de setembro de 1997, converténdose no primeiro español (e até o 2007 o único) en ter tal honra. Á parte do seu labor como adestrador de baloncesto, era deseñador de moda.
Traxectoria editar
Equipos como xogador editar
- Club Baloncesto Estudiantes: 1950-52, 1953-1958
- Real Madrid: 1958-61
- Club Águilas Bilbao: 1961-63
Equipos como adestrador editar
- Club Águilas Bilbao: 1963-66
- Selección de baloncesto de España: 1965-92
- Pallacanestro Cantù: 1993
- Pool Getafe: 1996-97
Palmarés editar
Xogador editar
- Medalla de ouro nos Xogos Mediterráneos de 1955.
- Campionato de Primeira División de 1960 e 1961.
Adestrador editar
- 1 medalla de prata nos Xogos Olímpicos de 1984.
- 2 medallas de prata nos Eurobasket de 1973 e 1983.
- 1 medalla de bronce no Eurobasket de 1991.
- 1 medalla de prata nos Xogos Mediterráneos de 1987.
Véxase tamén editar
Ligazóns externas editar
- Perfil no Hall of Fame
- Perfil na web da Lega Arquivado 15 de marzo de 2018 en Wayback Machine.