Antonio Azarola
Antonio Azarola Gresillón, nado en Tafalla en 1874 e finado en Ferrol o 4 de agosto de 1936, foi un militar navarro, executado polos sublevados ós poucos de comezar a Guerra Civil.
  | |
| Nome orixinal | (es) Antonio Azarola y Gresillón |
|---|---|
| Biografía | |
| Nacemento | (es) Antonio Azarola Gresillón 18 de novembro de 1874 Tafalla (Primeira República Española) |
| Morte | 4 de agosto de 1936 (61 anos) Ferrol, España |
| Causa da morte | Pena de morte (Ferida por arma de fogo ) |
 Minister of the Navy (en)  | |
| 14 de decembro de 1935 – 19 de febreiro de 1936 ← Francisco Javier de Salas González (en) – José Giral → | |
| Datos persoais | |
| País de nacionalidade | España |
| Actividade | |
| Ocupación | oficial da armada |
| Lingua | Lingua castelá |
| Carreira militar | |
| Rama militar | Armada Española |
| Rango militar | contra-almirante (pt) |
| Familia | |
| Irmáns | Emilio Azarola (en) |
Traxectoria editar
Dende novembro de 1934, era segundo xefe da Base Naval de Ferrol e xefe do seu Arsenal. Foi subsecretario do Ministerio de Mariña e posteriormente ministro do mesmo departamento no gabinete presidido por Manuel Portela Valladares dende o 30 de decembro de 1935 ao 19 de febreiro de 1936, o último antes das eleccións de febreiro de 1936. Baixo o seu ministerio produciuse o último Plan Naval antes do estalido da Guerra Civil (11 de xaneiro de 1936), no que se prevía a construción de dous destrutores, dous canoneiros e outros barcos menores.
Aínda que ao producirse a sublevación na Base do Ferrol, o 20 de xullo, o contralmirante Azarola adoptou unha actitude vacilante, finalmente inclinouse por non tomar parte na sublevación, polo que ao triunfar esta en Ferrol, foi detido, sometido a xuízo sumarísimo e condenado a morte por:
...un delito de abandono de destino do Xefe do Arsenal ante rebeldes e sediciosos, inhibíndose nas súas funcións, retirándose ás súas habitacións particulares e opoñéndose a que se declarase o estado de guerra nesta praza.
O contraalmirante Azarola declarou no xuízo que, aínda que simpatizaba cos propósitos da sublevación, non podía quebrantar os seus principios militares:
...consideracións de carácter militar impedíanme en absoluto o sumarme a un acto que consideraba sedicioso (aínda que inspirado nas máis nobres intencións).
Foi fusilado ás seis da mañá do 4 de agosto, no cuartel de Dolores. Os seus restos atópanse enterrados no cemiterio de Vilagarcía de Arousa.
A súa sobriña Amelia Azarola Echevarría estaba casada co aviador falanxista Julio Ruiz de Alda, que foi asasinado no Cárcere Modelo de Madrid o 23 de agosto de 1936.
Véxase tamén editar
Bibliografía editar
- Laruelo Roa, M.: Muertes Paralelas. El destino trágico de los prohombres de la República.
Ligazóns externas editar
- Galería de militares republicanos na Guerra Civil Española, Sociedad Benéfica de Historiadores Aficionados y Creadores (en castelán).
- Guerra Civil e represión en Ferrol e comarcaArquivado 30 de marzo de 2007 en Wayback Machine., de Xosé Manuel Suáréz.
- Dous fragmentos de La escuadra la mandan los cabos, de Manuel Domínguez Benavides, que narra os sucesos da sublevación militar en Ferrol.
- Ficha en Nomes e Voces