Andrónico II Paleólogo

Andrónico II Paleólogo
	;
Nome orixinal	(grc) Ἀνδρόνικος Παλαιολόγος
Biografía
Nacemento	25 de marzo de 1259 (Gregoriano) ; İznik (Imperio Bizantino)
Morte	13 de febreiro de 1332 (Gregoriano) (72 anos); Constantinopla
Byzantine emperor (en)
	11 de decembro de 1282 – 24 de maio de 1328 ; ← Miguel VIII Paleólogo – Andrónico III Paleólogo →
Datos persoais
País de nacionalidade	Imperio Bizantino
Relixión	Cristianismo ortodoxo
Actividade
Ocupación	Emperador
Lingua	Grego antigo
Familia
Familia	Dinastía Paleólogo
Cónxuxe	Irene de Monferrato (pt) (1285 (Gregoriano)–); Ana da Hungria (pt) (1273 (Gregoriano)–)
Fillos	Miguel IX Paleólogo, Constantino Paleólogo (pt) , Irene Paleologina (en) , Maria Palaiologina (en) , Bartholomaios Palaiologos (en) , Demétrio Paleólogo (filho de Andrônico II) (pt) , Simonida Paleóloga (pt) , João Paleólogo (pt) , Teodoro I de Montferrato, Maria notha Palaiologaina (en)
Pais	Miguel VIII Paleólogo e Teodora Ducaina Vatatzina (pt)
Irmáns	Maria Paleóloga (pt) , Eudóxia Paleóloga (pt) , Irene Paleóloga (pt) , Anna Palaiologina (en) , Teodoro Paleólogo (pt) e Constantino Paleólogo (pt)

Andrónico II Paleólogo (1260 - 13 de febreiro de 1332), emperador bizantino, foi o fillo máis vello de Miguel VIII Paleólogo, a quen sucedeu en 1282. Reinou ata 1328.

Traxectoria editar

Durante o seu reinado, deixou que a frota, que o seu pai organizara, entrase en decadencia, e deste xeito ao imperio resultoulle máis difícil opoñerse ás demandas de tributo por parte das potencias rivais de Venecia e Xénova.

Na súa época, os turcos otománs baixo Osman I conquistaron case toda Bitinia. Para loitar contra eles, o emperador pediu axuda ao catalán Roger de Flor, capitán dun rexemento de mercenarios aragoneses e cataláns coñecidos como os Almogávares. Os turcos foron derrotados, pero Roger de Flor converteuse nun inimigo de talle similar para o poder imperial. Roger foi asasinado polo fillo de Andrónico e co-emperador (ao que a miúdo se coñece como Miguel IX, aínda que nunca reinou no seu propio nome) en 1305. Os almogávares, mercenarios de Roger de Flor (tamén coñecidos como a Gran Compañía Catalá ou, en catalán, a Companyia Catalá) declararon a guerra a Andrónico e, tras devastar Tracia e Macedonia, conquistaron o Ducado de Atenas e Tebas.

A partir de 1320, o emperador estivo en guerra co seu neto Andrónico. Abdicou en 1328 e morreu en 1332.

En 1274 casou con Ana de Hungría, filla do rei Estevo V, con quen tivo dous fillos:

Miguel IX Paleólogo.
Constantino.

Trala morte desta en 1281, Andrónico casou con Iolanda, filla de Guillerme IX de Montferrato, que tomou o nome de Irene e lle deu catro fillos:

Xoán (h. 1286 - 1308).
Teodoro I, marqués de Montferrato (1291 - 1338).
Demetrio (morreu logo de 1343).
Simonis (1294 - logo de 1336), que casou co rei de Serbia, Estevo II Uroš Milutin.

Tamén tivo, polo menos, dúas fillas ilexítimas:

Irene, esposa de Xoán II, déspota de Tesalia.
María, esposa de Tokhta ou Tojta, khan da Horda de Ouro.

Imperio Bizantino
Segue a: Miguel VIII Paleólogo	Andrónico II Paleólogo (1282-1328)	Precede a: Andrónico III Paleólogo
Segue a: Miguel VIII Paleólogo	Dinastía Paleólogo	Precede a: Andrónico III Paleólogo