André Rieu
André Rieu, nado en Maastricht o 1 de outubro de 1949, é un violinista, director de orquestra e compositor neerlandés.
| André Rieu | |
|---|---|
 | |
| Nome completo | André Léon Marie Nicolas Rieu |
| Data nacemento | 1 de outubro de 1949 |
| Nado en | Maastricht |
| Ocupación | Violinista, director, compositor |
| Instrumento(s) | Violín |
| Na rede | |
| http://www.andrerieu.com/es/ | |
           | |
| [ editar datos en Wikidata ] | |
Traxectoria editar
Iniciou a súa carreira musical sendo neno e pertenceu a diversas orquestras ata que en 1987 fundou a propia, co nome neerlandés de "Johann Strauss Orkest". A partir do ano seguinte empezou a súa carreira por todo o mundo, comezando pola súa propia patria, e converténdose nunha das grandes estrelas da música ao nivel dos máis prestixiosos artistas de pop ou de rock, á vez que gañou multitude de adeptos e afeccionados á súa música.
Co seu característico estilo de difundir a música clásica, que anteriormente parecía reservada ás clases de elite ou acomodadas, André Rieu decidiu pola ao servizo dun público novo e naqueles lugares que devanditos mozos adoitan frecuentar, ben sexan de lecer ou culturais, tales como prazas públicas e estadios deportivos. E conseguiuno con grande éxito, pois gañou diversos premios como o Top 10 ou o Top 100, este último ostentando un número un.
O violín que utiliza na actualidade é un Stradivarius, construído en 1667 polo luthier do mesmo nome.[1]
A Orquestra Johann Strauss editar
- Véxase tamén: Orquestra Johann Strauss.
A Orquestra comezou en 1987 con 12 membros, dando o seu primeiro concerto o 1 de xaneiro de 1988. Ao longo dos anos expandiuse extraordinariamente, actuando actualmente con entre 80 e 150 músicos.
Rieu e a súa orquestra presentáronse en toda Europa, América do Norte e do Sur, Xapón e Australia. O tamaño e os ingresos dos seus percorridos só rivalizan cos maiores actos de música pop e rock. En 2008, a extravagante xira de Rieu incluíu unha reprodución en tamaño completo do Castelo da Emperatriz Sisi, o maior escenario da historia.[2]
Rieu grava o seu repertorio tanto en DVD como en CD nos seus propios estudos en Maastricht, nunha ampla gama de música clásica, popular e folclórica, así como música temática de bandas sonoras coñecidas e teatro musical. As súas animadas presentacións orquestrais, en tándem cunha mercadotecnia eficaz, atraeron a audiencias de todo o mundo a este subxénero emerxente de música clásica.
Ademais de dous premios da música do mundo, as gravacións de Rieu gañaron discos de ouro e platino en moitos países, destacando nos Países Baixos, onde obtivo 8 veces o disco de platino.
A televisión é tamén un punto importante para Rieu e a súa orquestra. Os seus concertos anuais de Ano Novo de Viena convertéronse nunha tradición de vacacións nas estacións de radiodifusión públicas. Durante dúas semanas en 2013, unha das canles do grupo BSkyB, Sky Arts 2 no Reino Unido, foi renomeado como "Sky Arts Rieu". Entre o 30 de marzo e o 14 de abril de 2013 Sky Arts Rieu retransmitiu concertos e documentais de Rieu 24 horas ao día.[3]
Honras editar
- Cabaleiro da Orde do León Holandés (Países Baixos, 2002)
- Medalla de Honra da provincia de Limburgo (Países Baixos, 2009)
- Cabaleiro da Orde das Artes e as Letras (Francia, 2009)
Discografía editar
|
|
|
Notas editar
- ↑ "Web oficial de André Rieu". Arquivado dende o orixinal o 20 de outubro de 2007. Consultado o 30 de maio de 2018.
- ↑ "Andre Rieu is top 10 Touring act". Andrerieu.com. Consultado o 15 de xaneiro de 2016.
- ↑ "Andre Rieu Concerts, Documentaries And Pictures".
Véxase tamén editar
Wikimedia Commons ten máis contidos multimedia na categoría: André Rieu  |
Ligazóns externas editar
- André Rieu (Sitio oficial)