Ana Pastor Julián

Ana Pastor Julián
	;
Nome orixinal	(es) Ana Pastor Julián
Biografía
Nacemento	(es) Ana María Pastor Julián ; 11 de novembro de 1957 (66 anos); Cubillos, España
Deputada de España
	Representa: Partido Popular; 3 de decembro de 2019 – ; Lexislatura: XIV lexislatura do Congreso de España ; Circunscrición electoral: Circunscrición electoral de Madrid ; Electo en: eleccións ao Congreso de España de novembro de 2019
Deputada de España
	21 de maio de 2019 – 3 de decembro de 2019 ; Lexislatura: XIII lexislatura de España ; Circunscrición electoral: Pontevedra ; Electo en: eleccións ao Congreso de España de abril de 2019
Presidente do Congreso dos Deputados
	19 de xullo de 2016 – 20 de maio de 2019 ; ← Patxi López – Meritxell Batet →
Deputada de España
	5 de xullo de 2016 – 21 de maio de 2019 ; Lexislatura: XII lexislatura de España ; Circunscrición electoral: Pontevedra ; Electo en: Eleccións xerais de España de 2016
Deputada de España
	29 de decembro de 2015 – 19 de xullo de 2016 ; Lexislatura: XI lexislatura de España ; Circunscrición electoral: Pontevedra ; Electo en: Eleccións xerais de España de 2015
Ministra de Fomento de España
	22 de decembro de 2011 – 19 de xullo de 2016 ; ← José Blanco – Rafael Catalá →
Deputada de España
	28 de novembro de 2011 – 13 de xaneiro de 2016 ; Lexislatura: X lexislatura de España ; Circunscrición electoral: Pontevedra ; Electo en: Eleccións Xerais 2011 en España
Deputada de España
	25 de marzo de 2008 – 13 de decembro de 2011 ; Lexislatura: IX lexislatura de España ; Circunscrición electoral: Pontevedra ; Electo en: Eleccións Xerais 2008 en España
Deputada de España
	26 de marzo de 2004 – 1 de abril de 2008 ; Lexislatura: VIII lexislatura de España ; Circunscrición electoral: Pontevedra ; Electo en: Eleccións Xerais 2004 en España
Minister of Health and Consumer Affairs of Spain (en)
	10 de xullo de 2002 – 18 de abril de 2004 ; ← Celia Villalobos – Elena Salgado, Jesús Caldera →
Q45073777
	3 de marzo de 2001 – 19 de xullo de 2002 ; ← Leopoldo Calvo-Sotelo Ibáñez-Martín (en) – María Dolores de Cospedal →
Deputada de España
	29 de marzo de 2000 – 5 de maio de 2000 – Lucita Villar Jar → ; Lexislatura: VII lexislatura de España ; Circunscrición electoral: Pontevedra ; Electo en: Eleccións Xerais 2000 en España
Datos persoais
País de nacionalidade	España
Educación	Universidade de Salamanca
Actividade
Lugar de traballo	Madrid
Ocupación	política
Partido político	Partido Popular
Lingua	Lingua castelá
Participou en
26 de outubro de 2020	fifth anniversary of El Español (en)
18 de agosto de 2020	In defense of the reign of Juan Carlos I (en)
Familia
Cónxuxe	José Benito Suárez Costa
	Premios (2016) Gran Cruz da Orde do Mérito Civil; (2004) Gran Cruz da Orde de Carlos lll; Gran Cruz da Orde Militar de Cristo ;

Para outras páxinas con títulos homónimos véxase: Ana Pastor.

Ana María Pastor Julián, nada o 11 de novembro de 1957 en Cubillos, provincia de Zamora,^[1] é unha médica e política española que realizou a maioría da súa vida profesional en Galicia.

Foi ministra de Sanidade e Consumo do Goberno de España de 2002 a 2004, ministra de Fomento de 2011 a 2016 e presidenta do Congreso dos Deputados de 2016 a 2019.

Traxectoria editar

Formación editar

Naceu no seo dunha familia de labradores. O seu pai, Victoriano Pastor Serrano, aínda que nacido en Viveiro, residía na vila zamorana de Cubillos.^[2] Ana Pastor fixo os seus primeiros estudos na escola da súa vila natal, sendo unha alumna avantaxada de Evangelina, a súa mestra. Na súa xuventude pensaba ser matemática,^[1] pero máis tarde orientouse cara á medicina, licenciándose na Universidade de Salamanca, e especializándose en Medicina Familiar e Comunitaria.

Ademais de licenciada en Medicina e Cirurxía, é MBA en Business Administration.^[3] Ademais, é funcionaria do Corpo Superior de Saúde Pública e Administración Sanitaria do Estado.^{[Cómpre referencia]}

Actividade como médica editar

O seu primeiro destino profesional foi como médica no centro de saúde do concello de Crecente, posto obtido por oposición. Alí coñeceu ao que sería o seu marido, o crecentense José Benito Suárez Costa, hoxe presidente da Autoridade Portuaria de Marín-Pontevedra.^[1]^[4]

Posteriormente foi xefa do servizo de Planificación Sanitaria da delegación pontevedresa da Consellería de Sanidade e Servizos Sociais, logo foi xerente de Atención Primaria na provincia de Pontevedra e despois directora provincial do Servizo Galego de Saúde.

Actividade na política editar

Ana Pastor canda Rosa Díez, nunha manifestación de Galicia Bilingüe.

Ana Pastor en 2014.

En 1996, tras o triunfo electoral do Partido Popular nas eleccións xerais, foi nomeada directora xeral da Mutualidad Xeral de Funcionarios Civís do Estado (MUFACE), dependente do ministerio de Administracións Públicas, que tiña daquela como titular a Mariano Rajoy.

A partir dese momento inicia unha carreira ascendente na administración do Estado, que a levan a ocupar sucesivamente os postos de subsecretaría en todos os departamentos dos que Rajoy foi nomeado ministro: Educación e Cultura (1999), Presidencia (2000) e Interior (2001). Finalmente, entre 2002 e 2004 convértese en ministra de Sanidade e Consumo.^[5]

Eleccións a Cortes 2016. Candidatos a deputados por Pontevedra polo PP.

Foi elixida deputada en 2000, 2004, 2011, decembro de 2015 e de xuño de 2016 polo Partido Popular pola provincia de Pontevedra.

Desde 2004 é Secretaria Executiva de Política Social e Benestar do PP.

En 21 de decembro de 2011 foi designada ministra de Fomento por Rajoy, para formar parte do primeiro goberno do PP tras o triunfo do devandito partido nas Eleccións Xerais do 20 de novembro, posto que ocupou durante toda a lexislatura.

Presidencia do Congreso editar

O presidente do Partido Popular, Mariano Rajoy, anunciou o 18 de xullo de 2016 que Pastor era a candidata dos populares á presidencia do congreso dos Deputados.^[6]

O 19 de xullo de 2016 foi proclamada presidenta do Congreso da XII Lexislatura. A súa designación necesitou de dúas roldas de votacións da sesión constitutiva, xa que na primeira non alcanzou a maioría absoluta requirida polo regulamento da Cámara. Na segunda acadou a maioría simple, obtendo 169 votos dos deputados do PP e de Ciudadanos, e 10 máis seguramente dos nacionalistas cataláns e vascos, fronte aos 155 obtidos polo candidato socialista e anterior presidente da Cámara, Patxi López (ademais, houbo 25 votos en branco).^[5]^[7]^[8]

Tras a súa toma de posesión, Pastor converteuse na segunda muller que preside o Congreso, tras a tamén popular Luisa Fernanda Rudi.^[9]^[10]

Ao día seguinte á súa proclamación, a nova presidenta foi recibida polo rei Filipe VI, a quen lle comunicou oficialmente que a Cámara Baixa quedara constituída e lle trasladou a relación de forzas políticas que a compoñen, para que o xefe do Estado poida iniciar así a rolda de consultas políticas previas á investidura.^[5]^[11]

Honras e distincións editar

No ano 2000 foi galardoada coa Medalla de Galicia, na súa categoría de prata.
No ano 2003 foi nomeada filla adoptiva de Crecente, e déuselle o seu nome á praza principal da vila, anteriormente denominada plaza del Caudillo.^[12]

Cargos públicos desempeñados desde 1999 editar

Predecesor: Ignacio González González	Subsecretaria de Educación, Cultura e Deporte 1999-2000	Sucesor: Mariano Zabía Lasala
Predecesor: Juan Junquera González	Subsecretaria da Presidencia 2000-2001	Sucesor: Dolores de la Fuente Vázquez
Predecesor: Leopoldo Calvo-Sotelo Ibáñez-Martín	Subsecretaria do Interior 2001-2002	Sucesor: María Dolores de Cospedal García
Predecesor: Celia Villalobos	Ministra de Sanidade e Consumo 2002 - 2004	Sucesor: Elena Salgado
Predecesor: Ángeles Muñoz	Secretaria executiva de Política Social do PP 2004 - 2008	Sucesor: José Ignacio Echániz
Predecesor: Jordi Vilajoana	Vicepresidenta segunda do Congreso dos Deputados 2008 - 2011	Sucesor: Javier Barrero
Predecesor: Xosé Blanco	Ministra de Fomento 2011 - 2016	Sucesor: *Rafael Catalá (en funcións)*
Predecesor: Patxi López	Presidenta do Congreso dos Deputados 2016 - 2019	Sucesor: Meritxell Batet