Amigdalectomía
A amigdalectomía, tamén denominada tonsilectomía, é a exéresis ou extirpación cirúrxica das amígdalas palatinas (a súa inflamación coñécese tradicionalmente por anxinas), localizadas no padal, na parte posterior da gorxa. É unha intervención levada a termo por un otorrinolaringólogo. Realízase baixo anestesia e dura uns 30 minutos. É unha operación que se realiza tanto en nenos coma en adultos. A amigdalectomía é unha intervención cirúrxica que ten máis de 3.000 anos de antigüidade[1] na que, tradicionalmente, producíase a extracción de ámbalas dúas amígdalas, unha a cada lado da farinxe, localizadas na chamada fosa tonsilar ou fosa amigdalina.
| Amigdalectomía | |
|---|---|
| Clasificación e recursos externos | |
 Gorxa un día após a amigdalectomía. | |
| ICD-9 | 28.2 |
| MedlinePlus | 003013 |
 Se cre que pode requirir tratamento, por favor, consúltello ao médico. | |
Esta intervención adóitase levar a cabo en doentes que padecen amigdalites de repetición (da orde de máis de 4 nun ano, máis de 3 por ano durante 2 anos, ou máis de dous ao ano durante tres anos). Outras razóns pola que se indica a extracción das amígdalas son a apnea obstrutiva do sono (doenza que produce ronquido intenso até o punto de impedir respirar correctamente durante o sono), obstrución nasal da vía aérea, afectación diftérica ou abscesos periamigdalinos. En nenos é típico realizar conxuntamente a amigdalectomía xunto coa exéresis das adenoides (adenoidectomía).
Galería de imaxes editar
-
Gorxa con amigdalite. -
Dúas amígdalas extirpadas. -
Gorxa un día após amigdalectomía.. -
Gorxa varios días após amigdalectomía.
Véxase tamén editar
Outros artigos editar
- Amígdala palatina (tonsila)
- Adenoidectomía
- Amigdalite
Ligazóns externas editar
- CECHIN Cirurxía das amígdalas.
Notas editar
| Wikimedia Commons ten máis contidos multimedia na categoría: Amigdalectomía |