American Broadcasting Company

Para outras páxinas con títulos homónimos véxase: ABC.

A American Broadcasting Company (ABC) é unha das catro máis grandes cadeas de televisión estadounidenses. Está constituída por varias divisións: televisión (ABC), radio (ABC Radio), noticiarios (ABC News), deportes (ABC Sports) e entretemento, entre outras.

Historia editar

Comezou cando a radio en expansión NBC dividiuse en 1927 en dúas cadeas independentes: Blue Network (Cadea Azul) e Red Network (Cadea Vermella). Para evitar un monopolio nas comunicacións, a NBC foi obrigada a vender a cadea Azul en 1942, mercándoa o 12 de outubro de 1943 ^[1] Edward J. Noble, fabricante dos doces Life-Savers, que lle deu o seu nome actual á compañía, a American Broadcasting Company, en 1945. Despois de fusionarse con United Paramount Theaters en 1953, a ABC expandiuse na industria televisiva e pronto se converteu nunha das tres cadeas máis importantes. Especializouse na transmisión deportiva e desenvolveu a repetición instantánea en 1961. A cadea foi mercada por Capital Cities Communications en 1985 e por The Walt Disney Company en 1995.

Actualidade editar

Xunto coa CBS e a NBC forman o conxunto de cadeas xeneralistas que até a década de 1980 tiveron o monopolio da audiencia televisiva en Estados Unidos. Tamén chega ás cidades fronteirizas de México e aos sistemas de cable da Franxa Fronteiriza Norte.