Alpes do Sur

Os Alpes do Sur son unha gran cordilleira da rexión oeste da Illa Sur, Nova Zelandia, que forman unha espiña en dirección norte-sur que divide a illa en dous lados. Nos Alpes do Sur localízase o monte Cook, punto máis alto do país.

Alpes do Sur Southern Alps / Kā Tiritiri o te Moana
Alpes do Sur en inverno
Imaxe de satélite dos Alpes do Sur, Illa do Sur
Localización
Continente/s	Oceanía
País/es	Nova Zelandia
Coordenadas	43°35′44.69″S 170°8′27.75″L
Datos
Principais cumes	Aoraki / Monte Cook
Cota	3724 msnm
Lonxitude	500 km
Orientación	norte/sur

A cordilleira recibiu o nome en 1770 polo capitán James Cook, mais xa chamara a atención de Abel Tasman en 1642.

Características

Os Alpes do Sur posúen 450 km de lonxitude en dirección norte-sur. O punto máis alto, o monte Cook, posúe 3754 metros de altura, mentres outros 16 lugares superan os 3000 metros de altitude. A rexión tamén está constituída por grandes glaciares e lagos.

A localización dos Alpes permite que a rexión teña un clima extremamente agradable. A localidade de Omarama, no sopé das montañas, recibiu reputación internacional debido ao seu clima, provocado polo vento Föhn.

Fauna e flora

Os animais máis habituais na rexión son as aves Xenicus gilviventris e o kea. Tamén existen algúns insectos adaptados ao clima frío e a Apteryx haastii.

A pesar das condicións climáticas, os Alpes son ricos en flora alpina. Preta do 25% das plantas neozelandesas habitan esta rexión. As plantas adaptadas a ese clima rigoroso son dos xéneros Hebe, Dracophyllum, Coprosma, Podocarpus nivalis e Carex.

Áreas protexidas

As montañas dos Alpes do Sur

Os Alpes do Sur son practicamente inaccesíbeis e polo tanto conservan a súa vexetación orixinal. Con todo, os Alpes están protexidos por varios parques nacionais como:

• Westland Tai Poutini National Park
• Mount Aspiring National Park
• Lake Sumner Forest Park

Véxase tamén

Ligazóns externas

• "The Exploration of the Southern Alps (from 1940 book)" (en inglés). NZETC.