Alianza do Norte
A Alianza do Norte ou Fronte Unida era unha guerrilla agrupada por diferentes faccións de grupos armados, que tiñan como obxectivo común derrocar o réxime talibán que gobernaba Afganistán.
.svg)
Historia editar
Faccións editar
As faccións da alianza son heteroxéneas: abranguen dende prosoviéticos, membros do anterior réxime comunistas, xiítas, até outros grupos integristas, que tiñan diferenzas cos talibáns debido á súa diferente orixe étnica.
Todas están integradas por minorías marxinadas como os taxikos (que pode ser un factor para gañar o apoio de Taxaquistán para a axuda dos Estados Unidos no conflito), uzbekos (igualmente para buscar o apoio de Uzbekistán), hazaras e algúns pashtúns.
- Partido Islámico de Afganistán, dirixido por Burhanuddin Rabbani. Nos últimos anos Rabbani tiña pouca influencia e o verdadeiro líder era Ahmed Shah Massoud.
- O Partido Islámico para a Unidade de Afganistán (Hizb-I Wahdat-I Islami-yi Afganistán), apoiado por Irán.
- Movemento Islámico Nacional de Afganistán (Junbish-I Milli-yi Afganistán), composto de uzbekos e de antigos comunistas, conducido por Abdul Rashid Dostum, apoiado por Turquía.
- Movemento Islámico de Afganistán, conducido por Ayatollah Muhammad Asif Muhsini.
- Unión Islámica para a Liberación de Afganistán (Ittihad-I Islami Bara-yi Azadi), dirixido por Abdul Rasul Sayyaf
Países aliados editar
A Alianza do Norte gozou de axuda de Rusia, India, Irán e de todos os demais países fronteirizos, exceptuando Paquistán, que apoiou aos talibáns, até os ataques das torres xemelgas no 2001. Arabia Saudita e Emiratos Árabes Unidos, apoiaron igualmente aos talibáns até pouco antes da Guerra de Afganistán.
A Alianza do Norte foi combatida polos Estados Unidos e occidente en xeral até evidenciarse publicamente os excesos dos talibáns. Durante o réxime talibán a finais de 2001, a Alianza do Norte capturou e matou a centenares de muyaidines paquistanís, árabes, chechenos e doutros grupos armados, ademais dos propios talibáns con axuda dos Estados Unidos.
No 2005 a Alianza Norte non ten moita influencia. Tras o derrocamento dos talibáns, máis do 60% dos soldados foi desarmado polas Nacións Unidas e o exército nacional afgán. Hamid Karzai dixo que desarmaría todo o país e formaría un exército afgán forte con 70.000 homes para 2007.