Alexander Rodchenko
Aleksander Mikhailovich Rodchenko (en ruso: Алекса́ндр Миха́йлович Ро́дченко), nado o 5 de decembro de 1891 e finado o 3 de decembro de 1956, foi un artista, escultor, fotógrafo e deseñador gráfico ruso. Foi un dos fundadores do construtivismo e do deseño ruso. Estivo casado coa artista Varvara Stepanova.
| Alexander Rodchenko | |
|---|---|
 Rodchenko e Stepanova nos anos 20 | |
| Nome completo | Aleksander Mikhailovich Rodchenko |
| Nacemento | 5 de decembro de 1891 |
| San Petersburgo | |
| Falecemento | 3 de decembro de 1956 |
| Moscova | |
| Área | fotógrafía, pintura |
| Educación | Qazan Art School |
| Movemento | construtivismo |
| Nacionalidade | Imperio Ruso, República Socialista Soviética Federativa de Rusia, Unión Soviética e Rusia |
| Cónxuxe | Varvara Stepanova |
| [ editar datos en Wikidata ] | |
Rodchenko foi un dos artistas máis versátiles do construtivismo e do produtivismo en aparecer tras a Revolución Rusa. Traballou como pintor e deseñador gráfico antes de dedicarse á fotomontaxe e á fotografía. A súa fotografía foi socialmente comprometida, formalmente innovadora e oposta á estética pictórica. Preocupado pola necesidade de series de fotos analíticas-documentais, adoitaba a disparar aos seus suxeitos dende ángulos raros, normalmente dende moi arriba ou moi abaixo del, para sorprender ao espectador e atrasar o recoñecemento. Escribiu: "Un ten que tomar varias fotos diferentes dun suxeito, dende diferentes puntos de vista e en diferentes situacións, como se un o examinase ao redor en vez de velo unha e outra vez a través da mesma pechadura".