Alberto Cova
Alberto Cova, nado en Inverigo (Como) o 1 de decembro de 1958 é un atleta italiano retirado, especialista en probas de fondo (5.000 e 10.000). Logrou a medalla de ouro na proba de 10.000 m nos Xogos Olímpicos dos Ánxeles.
  | |
| Biografía | |
|---|---|
| Nacemento | 1 de decembro de 1958 (65 anos) Inverigo, Italia (pt)  |
 Membro da Câmara dos Deputados da República Italiana (pt) | |
| 5 de abril de 1994 – 8 de maio de 1996 Lexislatura: 12th Legislature of Italy (en) | |
| Datos persoais | |
| País de nacionalidade | Italia |
| Altura | 172 cm |
| Peso | 53 kg |
| Actividade | |
| Lugar de traballo | Roma |
| Ocupación | político , fondista , atleta |
| Partido político | Força Itália (pt) |
| Lingua | Lingua italiana |
| Deporte | atletismo |
| Disciplina deportiva | corrida de fundo (pt) |
| Participou en | |
| 1988 | Xogos Olímpicos de 1988 |
| 1984 | Xogos Olímpicos de 1984 |
Premios
| |
  | |
| Cadro de medallas | |||
|---|---|---|---|
| Atletismo masculino | |||
| Xogos Olímpicos | |||
| Ouro | Os Ánxeles 1984 | 10.000 m | |
| Campionato do Mundo de Atletismo | |||
| Ouro | Helsinqui 1983 | 10.000 m | |
| Campionato de Europa de Atletismo | |||
| Ouro | Atenas 1982 | 10.000 m | |
| Prata | Stuttgart 1986 | 10.000 m | |
Alberto comezou a correr na súa cidade natal (Inverigo). O seu físico miúdo fíxolle decantarse polas probas de fondo (5.000 e 10.000 metros) e polo cross. A súa forma de correr caracterizouse polo seu tremendo sprint final.
Campionato de Europa Atenas 1982 editar
No verán de 1982 celebrábase en Atenas o Campionato de Europa de Atletismo ao aire libre no que Cova se inscribiu nas probas de 5.000 e 10.000 m.
A carreira dos 10.000 m transcorreu cun ritmo lento (14´04"55 os primeiros 5.000 m) polo que á altura do 7º quilómetro un grupo de 12 corredores permanecía compacto na cabeza, nese momento o portugués Carlos Lopes avivou o ritmo quedando o grupo reducido a tan só catro corredores: Lopes, Martti Vainio, Werner Schildhauer e Cova. Na derradeira volta o portugués desfóndase pasando o finés Vainio a marcalo ritmo pero seguido de preto polo alemán oriental e por Cova. Así entran os tres na recta final onde Cova impón o seu explosivo final para lograr a medalla de ouro cun tempo de 27’41”03, Schildhauer e Vainio completarían o podio.
Na proba dos 5.000 m Cova é descualificado tras ter algúns empuxóns na carreira con outros rivais.
Campionato do Mundo Helsinqui 1983 editar
O estadio olímpico de Helsinqui foi o escenario da Iª edición do Campionato do Mundo de Atletismo.
A final dos 10.000 m transcorreu a un ritmo aínda máis lento que no Campionato de Europa (14’07”11 os primeiros 5.000 m). Ao toque da campá un grupo de cinco corredores encabeza a carreira: son os compoñentes do podio de Atenas, mais o tanzano Shahanga e outro alemán oriental Kunze. Nun primeiro instante Schildhauer intenta marchar do grupo logrando unha distancia de 30 m, pero na entrada na recta final atópanse todos reagrupados. Alberto volve amosar o seu tremendo sprint e logra in-extremis a medalla de ouro (28’01”04). Schildhauer (28’01”18) volve adxudicarse a prata secundado polo seu compatriota Kunze (28’01”26). Cabe destacar que esta foi unha das finais máis apertadas da historia dos 10.000 m con tan só 22 centésimas separando aos tres primeiros.
Xogos Olímpicos dos Ánxeles 1984 editar
Un mes antes da celebración dos Xogos Olímpicos o portugués Fernando Mamede lograra reducir o mítico récord de Henry Rono en case 9 segundos (27’13”81), polo que en ausencia dos rivais alemáns orientais (a causa do Boicot), Mamede e Cova eran os principais favoritos para o ouro. A metade de carreira Mamede totalmente desfondado abandona a proba, quedando a carreira nun enfrontamento entre Vainio e Cova. Cova vencerá con suficiencia sendo Vainio segundo, posteriormente o finés foi descualificado por dar positivo no control antidopaxe posterior. Por iso o podio final foi: Cova 27’47”54 – Mc Leod 28’06”22 – Musyoki 28’06”46
Palmarés editar
- Campión de Italia: 5.000 m (1980,1981,1983 e 1985), 10.000 m (1981 e 1982), 3.000 m en pista cuberta (1981,1982 e 1984), Cross (1982,1983,1984,1985 e 1986).
- Campión de Europa: 10.000 m (1982)
- Campión do Mundo: 10.000 m (1983)
- Campión Olímpico: 10.000 m (1984)
- Subcampión de Europa: 10.000 m (1986)
- Subcampión de Europa Indoor: 3.000 m (1982)