Aitor Gorosabel
Aitor Gorosabel Garai, nado en Éibar o 2 de febreiro de 1970, é un cantante e guitarrista vasco pertencente ao grupo de heavy metal Su Ta Gar.
Biografía | |
---|---|
Nacemento | (eu) Aitor Gorosabel Garai 2 de febreiro de 1970 (54 anos) Eibar, España |
Datos persoais | |
País de nacionalidade | España |
Educación | Universidade do País Vasco |
Actividade | |
Ocupación | guitarrista |
Membro de | |
Xénero artístico | Heavy metal |
Lingua | Lingua éuscara e lingua castelá |
Familia | |
Irmáns | Mikel Gorosabel (en) |
Traxectoria editar
Naceu no seo dunha familia vascoparlante. É o terceiro de catro irmáns e todos eles teñen relación coa música. Súas dúas irmás, Aintzira e Amaia, son profesoras de música, e seu irmán Mikel, alias Norton, é cantante e guitarrista de EH Sukarra. Aitor comezou tocando o piano con 5 anos cos seus irmáns. En 1º e 2º de EXB estudou solfexo aplicado ao piano, aínda que a guitarra aprendeuna a tocar de xeito autodidacta. Tamén estudou publicidade.
Aos doce anos empezou a tocar a guitarra española imitando a Norton, seu irmán, quen contaba con 14 anos de idade, e escoitaba punk e rock radical vasco. Pouco despois descubriu a guitarra eléctrica e empezou a escoitar grupos como Accept, Judas Priest, Iron Maiden e a guitarristas como Steve Vai e Joe Satriani. Na ikastola e no instituto onde estudou fixo amizade con Xabier Bastida, Asier Osoro e Borxa Arrillaga, con quen formaría en 1987 o grupo Su ta gar, do que se converteu en voz principal, guitarra solista e compositor. Su Ta Gar acabou cantando en euskara sendo os pioneiros do heavy metal nesa lingua e creando escola dentro do metal vasco.
Wikimedia Commons ten máis contidos multimedia na categoría: Aitor Gorosabel |