Aeroporto de Eilat
O Aeroporto de Eilat (en hebreo: נמל התעופה אילת, Namal HaTe'ufa Eilat), tamén coñecido como Aeroporto J. Hozman (IATA: ETH, OACI: LLET), é un aeroporto israelí situado na cidade de Eilat. Encárgase principalmente de voos nacionais a Tel Aviv e Haifa e voos internacionais que van ao Aeroporto Internacional de Ovda. No entanto, algúns voos internacionais en avións que poden utilizar a pista de aterraxe relativamente curta do aeroporto usan o de Eilat. O Aeroporto de Eilat está situado na área central da cidade, preto da estrada nacional 90. Espérase que o aeroporto abandone a súa actividade civil en 2018 cando o novo Aeroporto Internacional Ramon entre en funcionamento.[1][2] O aeroporto é unha cidade foco para Arkia Israel Airlines e Israir Airlines.
Aeroporto de Eilat Aeroporto J. Hozman
| |||
|---|---|---|---|
| |||
| Sumario | |||
| Operador | Autoridade Aeroportuaria de Israel | ||
| Localización | Eilat,  Israel
| ||
| Elevación (msnm) | 13 metros / 42 pés | ||
| Coordenadas | Coordenadas: 29°33′34″N 34°57′33″L / 29.559445, 34.959167 | ||
| Web | |||
| Pista(s) | |||
| Dirección | Longo | Superficie | |
| metros | pés | ||
| 03/21 | 1900 | 6234 | Asfalto |
Historia editar
O Aeroporto de Eilat foi establecido en 1949 pola Forza Aérea Israelí, despois da Guerra da Independencia Israelí de 1948. Durante os seus primeiros anos, o aeroporto tiña o propósito de establecer un extenso conxunto de conexións a poboacións de todo o país, principalmente con Tel Aviv e Haifa. Por conseguinte, iniciouse unha liña regular de Eilat ao Aeroporto de Lod (agora Aeroporto Internacional Ben Gurión). Pouco despois entrou en funcionamento unha liña ao Aeroporto de Haifa. En decembro de 1950, despois do seu establecemento, Arkia Israel Airlines converteuse no operador nacional máis grande no Aeroporto de Eilat, tomando a posición das antigas compañías Eilata e Aviron. Até agora, mantén esta posición. Máis tarde, en 1964, a pista de aterraxe foi ampliada a 1.500 m, e construíuse unha terminal de pasaxeiros. Cinco anos máis tarde, a pista de aterraxe foi ampliada de novo aumentando a lonxitude a 1.900 m. En 1975, o Aeroporto de Eilat comezou a atraer a aeroliñas escandinavas. A primeira chegada dun voo internacional a Eilat sucedeu nese mesmo ano cun avión da aeroliña danesa Sterling Airlines. Desde entón, establecéronse moitas rutas internacionais que enlazan directamente Eilat con Europa. Porén, o aeroporto aínda non está habilitado para permitir aterraxes de grandes avións que teñen que voar ao Aeroporto Internacional de Ovda.[3]
No Acordo de Paz entre Israel e Xordania de 1994 decidiuse que as operacións presuntamente transferiríanse do Aeroporto de Eilat ao Aeroporto de Aqaba. O plan orixinal era renomear o Aeroporto de Aqaba como Aeroporto Internacional da Paz Aqaba-Eilat.[4] Con todo, o acordo nunca se seguiu e un acordo entre os dous países en marzo de 1997, estipulou que os voos nacionais continuarían usando o Aeroporto de Eilat, mentres que non se tomou ningunha outra acción para mover os voos internacionais.[5] En agosto de 2005, un foguete Katyusha lanzado desde Xordania impactou nun taxi en movemento a menos de 15 m do valo do perímetro do aeroporto.[6]
O aeroporto hoxe en día editar
Hoxe en día, o Aeroporto de Eilat mantén picos de carga concentrados nos xoves, sábados e domingos. Os xoves e os domingos, os voos utilizan un período dunhas poucas horas nas mañás e os sábados só se usan as horas da tarde. A miúdo hai días onde 10.000 pasaxeiros en 120 voos son canalizados a través dos 2.800 m² de terminal, o que o converte nuns dos aeroportos cos picos de carga máis altos do mundo nesta categoría.[7]
| Ano | Número de pasaxeiros | Número de operacións |
|---|---|---|
| 1998 | 1.371.098 | 29.726 |
| 1999 | 1.554.988 | 31.279 |
| 2000 | 1.584.359 | 29.207 |
| 2001 | 1.339.779 | 24.878 |
| 2002 | 1.252.395 | 23.581 |
| 2005 | 1.048.975 | 18.777 |
Aínda que o aeroporto está preparado para soportar avións Boeing 767, para soportar un gran número destes avións, necesitaríase un investimento significativo. Conseguintemente, os avións máis grandes que voan regularmente ao aeroporto son os Boeing 757. O principal problema no aeroporto é a falta de espazo de plataforma, con só dúas posicións de aparcadoiro para avións grandes. Como resultado, O Ao opera con voos regulares lanzadeira desde o Aeroporto Internacional Ben Gurión levando pasaxeiros de ao redor do mundo en Boeing 757, Boeing 737 e ATR.
O pequeno tamaño do aeroporto pódese ilustrar quizais mellor co feito de que un Boeing 757 non pode rodar pola pista máis aló doutro avión cara ás posicións de aparcadoiro. Como resultado, os controladores aéreos son responsables non só de asegurar que o valioso espazo é utilizado, senón tamén asegurar que os outros avións mantéñense dando voltas ata que os avións máis grandes son aparcados. A pesar destas limitacións, o aeroporto manexa con éxito de dez a vinte veces máis tráfico que aeroportos dun tamaño similar. É por esta razón que os plans para trasladar o aeroporto son tan importantes a curto prazo. En 2006 emprendeuse un programa de renovación da terminal e a pista de aterraxe do Aeroporto de Eilat por 5,5 millóns de ILS, deseñado para soster o aeroporto ata que é substituído no futuro próximo.[10]
O futuro editar
Desde o comezo dos anos 1990 as autoridades de Eilat consideraron trasladar o aeroporto, aproximadamente 20 km ao Norte da cidade, á zona Balea Eora preto de Be'er Ora.[11] Está previsto que a nova instalación sexa o Aeroporto Internacional Ramon. Hai numerosas razóns detrás desta idea. Ante todo, o feito que se melloraría a seguridade xa que na súa localización actual, hai a posibilidade de que un avión se estrele nos edificios da cidade. Outras razóns eran o puro valor do terreo que ocupa o aeroporto, e o feito de que o aeroporto divide a cidade de Eilat en dous partes cos hoteis e as zonas turísticas nun lado, e os edificios residenciais no outro.
Aeroliñas e destinos editar
- Arkia Israel Airlines (Tel Aviv-Ben Gurion, Tel Aviv-Sde Dov, Haifa)
- El Al (Tel Aviv-Ben Gurion)
- Israir (Tel Aviv-Ben Gurion, Tel Aviv-Sde Dov, Haifa)
Notas editar
- ↑ "Eilat's new International Airport On Its Way". IAA. Arquivado dende o orixinal o 10 de marzo de 2016. Consultado o 27 de novembro de 2017.
- ↑ "Eilat's new International Airport On Its Way". IAA.
- ↑ "History". IAA.
- ↑ "Jordan, Israel agree to construction of Aqaba-Eilat airport". Arquivado dende o orixinal o 27 de setembro de 2007. Consultado o 27 de novembro de 2017.
- ↑ "Eilat to maintain internal flight service.". Israel Business Today. Arquivado dende o orixinal o 21 de outubro de 2012. Consultado o 27 de novembro de 2017.
- ↑ "Six Suspects Sought in Jordan Missile Attack". Arquivado dende o orixinal o 21 de outubro de 2012. Consultado o 27 de novembro de 2017.
- ↑ "Israel's Holiday Airport Eilat". Flug Revue. Arquivado dende o orixinal o 18 de outubro de 2006. Consultado o 27 de novembro de 2017.
- ↑ "Eilat Airport". AZ World Airport. Arquivado dende o orixinal o 30 de setembro de 2007. Consultado o 26 de agosto de 2021.
- ↑ "Eilat Airport Statistics". IAA.
- ↑ Avi Krawitz. "Eilat Airport completes NIS 5.5m. upgrade". Jerusalem Post. Arquivado dende o orixinal o 16 de maio de 2011. Consultado o 27 de november de 2017.
- ↑ "Eilat Airport".
Véxase tamén editar
Wikimedia Commons ten máis contidos multimedia na categoría: Aeroporto de Eilat  |