Abrasión (xeoloxía)

Para outras páxinas con títulos homónimos véxase: Abrasión (homónimos).

Denomínase abrasión (do lat. abradĕre, "raer") á acción mecánica de rozamento e desgaste que provoca a erosión dun material ou tecido.

Faíscas producidas por abrasión dunha peza metálica.

O Monumento Natural La Portada, en Chile, formado por abrasión mariña.

Características

En xeoloxía, a abrasión mariña é o desgaste causado a unha roca pola acción mecánica da auga cargada por partículas procedentes dos derrubios. É importante, sobre todo, na formación de costas abruptas. Batidas polo mar, estas retroceden e as pedras desprendidas do cantil, arrastradas con movementos de vaivén polas ondas, tallan ao pé do mesmo unha plataforma de abrasión que descende con lixeira pendente cara ao mar.

A abrasión glaciar é a erosión do leito dun glaciar polos materiais sólidos inclusos no xeo e arrastrados polo mesmo; cando se trata de grans finos, chamados fariña glaciar, a roca da canle adquire co tempo un pulimento glaciar.

Véxase tamén

Outros artigos

• Erosión
• Mecanizado

Ligazóns externas

• Sobre a abrasión. (en italiano)