Abraham González Casanova
Abraham González Casanova, coñecido como Abraham, nado en Cornellà de Llobregat o 16 de xullo de 1985, é un futbolista catalán que xoga como centrocampista no Ethnikos Achnas da primeira división chipiotra[1].
| Abraham González Casanova | |||
|---|---|---|---|
| Información persoal | |||
| Nacemento | 16 de xullo de 1985 | ||
| Lugar de nacemento | Barcelona | ||
| Altura | 174 centímetros | ||
| Posición | centrocampista | ||
| Na rede | |||
  | |||
| [ editar datos en Wikidata ] | |||
Traxectoria editar
Natural de Cornellà de Llobregat[2], Abraham principiou a súa carreira futbolística no club de fútbol base Fundació Ferran Martorell e de alí pasou á filial do Terrassa FC[3]. Disputou un total de 16 partidos co primeiro equipo, na Segunda División B, durante a tempada 2004-2005.
En xullo de 2007 fichou polo FC Barcelona para reforzar o equipo filial e durante a tempada 2007-08 foi un dos titulares indiscutibles do equipo dirixido por Pep Guardiola que logrou o campionato de terceira división e o ascenso a Segunda B. No verán de 2008 viaxou co primeiro equipo á concentración de pretemporada en Escocia, e alí foi que debutou nun amigable diante do Hibernian FC[4]. Pouco despois chegou o seu debut en partido oficial co FC Barcelona nas semifinais da Copa Cataluña[5] perante a UE Sant Andreu.
O resto da tempada 2008-09 seguiu no FC Barcelona Atlètic, con algunha participación puntual co primeiro equipo azulgrana, que esa campaña logrou unha vitoria tripla. O 10 de outubro de 2008 xogou seis minutos da eliminatoria de dezaseisavos de final da Copa do Rei contra do Benidorm CF[6]. O equipo barcelonista tamén o inscribiu para disputar a Liga de Campións da UEFA e convocárono para un partido, co Shakhtar Donetsk, aínda que á fin non saíu ao campo[7]. Completou a tempada debutando na primeira división na última xornada do campionato co Deportivo da Coruña. Abraham saltou ao terreo de xogo no minuto 76', en substitución de Xavi Hernández.
O 12 de xuño de 2009 fíxose oficial a súa fichaxe polo Cádiz CF da segunda división española onde xogou ao longo de toda a tempada pero o descenso do equipo fixo inevitable a súa marcha[8].Logo de pasar desapercibido por varios equipos da Segunda División como o Gimnàstic de Tarragona ou o SD Ponferradina en menos dun ano, no verán de 2011 fichou pola Agrupación Deportiva Alcorcón e tras dúas boas tempadas, en xullo de 2013, confirmouse a súa fichaxe polo Real Club Deportivo Espanyol e a súa volta á primeira división española.
O 16 de xuño de 2016 o Club Universidad Nacional da Liga MX mexicana fíxose co xogador e anotou o seu primeiro gol co seu novo equipo o 11 de setembro de 2016 no minuto 85 contra o Querétaro, co que asegurou a vitoria do seu equipo por 4-1. O centrocampista barcelonés xogou tres tempadas co equipo. O 12 de xuño de 2018 anunciouse como reforzo do Club de Fútbol Lobos de la Benemérita Universidad Autónoma de Puebla, tras non anovar o CUN o seu contrato. A venda da franquía en xuño de 2019 a Ciudad Juárez deulle a carta de liberdade, e pasou a Veracruz para xogar co Club Deportivo Veracruz.
En xaneiro de 2020 asinou co AEK Larnaca da primeira división chipriota[9]e o 31 de xaneiro de 2022 mudou de equipo ao pasar ao tamén chipriota Ethnikos Achnas.
Clubs editar
| Club | País | Anos |
|---|---|---|
| Terrassa FC |  España
|
2004-2007 |
| FC Barcelona B | 2007-2009 | |
| Cádiz Cf | 2009-2010 | |
| Gimnàstic de Tarragona | 2010-2011 | |
| SD Ponferradina (cedido) | 2011 | |
| Agrupación Deportiva Alcorcón | 2011-2013 | |
| Real Club Deportivo Espanyol | 2013-2016 | |
| Pumas da UNAM |  México
|
2016-2018 |
| Lobos BUAP | 2018-2019 | |
| Tiburones Rojos de Veracruz | 2019 | |
| AEK Larnaca |  Chipre
|
2020-2022 |
| Ethnikos Achnas | 2022- |
Palmarés editar
Campionatos nacionais editar
| Título | Club | País | Ano |
|---|---|---|---|
| Liga de Terceira División | FC Barcelona B | España | 2008 |
| Copa do Rei | FC Barcelona | España | 2009 |
| Primeira División de España | FC Barcelona | España | 2009 |
Torneos internacionais editar
| Título | Club | País | Ano |
|---|---|---|---|
| Liga de Campións | FC Barcelona | España | 2009 |
Notas editar
- ↑ "Abraham González, primer fichaje de Arnal Llibert en Chipre". As. 17 de xaneiro de 2020.
- ↑ "Abraham González Casanova". players.fcbarcelona.com.
- ↑ El Terrassa presenta els reforços de David Valle i Abraham González. TV3, 19 de xullo de 2004
- ↑ "Contra el Hibernian, mucho más que un partido de pretemporada". fcbarcelona.cat. 26 de xullo de 2008. Arquivado dende o orixinal o 05 de febreiro de 2022. Consultado o 05 de febreiro de 2022.
- ↑ "Abraham González, nou jugador de l’Espanyol". Betevé.
- ↑ Abraham González, el tercer hombre de Pep Guardiola. Sports, 30 de outubro de 2008
- ↑ "Contra el Shakhtar, con cuatro del filial". 8 de decembro de 2008. Arquivado dende o orixinal o 6 de xaneiro de 2009. Consultado o 1 de junio de 2009.
- ↑ "Abraham". cadistas1910.com.
- ↑ Abraham González, primer fichaje de Arnal Llibert en Chipre. As, 17 de xaneiro de 2020