Ácido lipoteicoico
O ácido lipoteicoico é un dos principais compoñentes da parede celular das bacterias grampositivas. A súa estrutura é variable segundo a especies de bacteria e pode conter cadeas longas de ribitol ou de fosfato de glicerol. O ácido lipoteicoico está ancorado á membrana celular a través do diacilglicerol.[1] Actúa como regulador dos enzimas autolíticos da parede (muramidase). Ten propiedades antixénicas e pode estimular a resposta inmune.
O ácido lipoteicoico é o mesmo polímero que o ácido teicoico, pero nun extremo está unido ao fosfato dun fosfolípido. Esa parte lipídica está inserida na bicapa lipídica da membrana plasmática.
A función do ácido lipoteicoico é regular ou modular a biosíntese da mureína.
O ácido lipoteicoico pode ser considerado un factor de virulencia.[2]