!!!

!!! (pronunciado coma chk chk chk) é unha banda estadounidense de dance-punk formada no outono de 1996 en Sacramento (Estados Unidos) polos antigos membros das bandas locais The Yah Mos, Black Liquorice e Popesmashers.

!!!
Orixe	Sacramento (California),
Período	1996 - presente
Xénero(s)	dance-punk, indie rock, post-punk revival
Selo(s) discográfico(s)	Touch and Go Records, Warp Records, Gold Standard Laboratories
Membros	Nic Offer Allan Wilson Mario Andreoni Tyler Pope Sean McGahan Dan Gorman Shannon Funchess Paul Quattrone
Antigos membros	John Pugh Mikel Gius Jason Racine Justin Van Der Volgen Jerry Fuchs
Artistas relacionados	Out Hud, The Yah Mos, Pope Smashers, Maserati
Na rede
chkchkchk.net

Historia

Despois dunha xira xuntos, membros das bandas de Sacramento Black Liquorice e Popesmashers formaron !!!. O nome da banda foi inspirado polos subtítulos da película The Gods Must Be Crazy, na cal os sons dos chasqueos da boca dos bosquimáns representábanse coma "!". Porén, como a banda di na súa web: "!!! pronunciase repetindo tres veces calquera son monosílabo. Chk Chk Chk é a pronunciación máis común, pero poderían ser chamados Pew Pew Pew, Bam Bam Bam, Uh Uh Uh, crabs crabs crabs etc. A URL da súa páxina e o título do seu MySpace, porén, suxiren que "Chk Chk Chk" é a pronunciación preferida.

Baseados en Sacramento (California); Portland (Oregón); e Nova York, o seu traballo de debut publicouse no ano 2000 cun álbum autititulado lanzado polo selo Gold Standard Laboratories. A este seguiuno no 2003 o sinxelo "Me and Giuliani Down By the School Yard".

Un segundo traballo, Louden Up Now, foi editado a través da Touch and Go en América e da Warp Records en Europa en xuño do 2004. Un ano despois, no mes de xuño do 2005, !!! editou un EP versionando "Take Ecstasy With Me" de The Magnetic Fields, e "Get Up" de Nate Dogg. No mes de decembro, o batería orixinal da banda, Mikel Gius, foi atropelado e matado por un coche mentres paseaba en bicicleta. !!! editou o seu terceiro álbum, Myth Takes no ano 2007.

O vocalista e batería John Pugh deixou a banda en xullo do 2007 para concentarse na súa nova banda Free Blood. Shannon Funchess substituíu a Pugh durante a meirande parte da súa xira dese ano.

John Frusciante de Red Hot Chili Peppers presenciou un concerto da banda nos Ánxeles e convidounos como abreconcertos dos Chili Peppers durante a súa xira do 2006 polo Reino Unido.

Discografía

Álbums

Álbum	Ano	Selo
!!!	2001	Gold Standard Labs
Louden Up Now	2004	Touch and Go/Warp
Myth Takes	2007	Warp Records
Strange Weather, Isn't It?	2010	Warp Records
THR!!!ER	2013	Warp Records
As If	2015	Warp Records
Shake the Shudder	2017	Warp Records
Wallop	2019	Warp Records
Let It Be Blue	2022	Warp Records

EPs

• GSL26/LAB SERIES VOL. 2 – 1999 (Gold Standard Labs) compartido con Out Hud
• Live Live Live – 2004 (Beat Records)
• Take Ecstasy with Me/Get Up – 2005 (Touch and Go Records)
• Jamie, My Intentions Are Bass E.P. - 2010

Véxase tamén

Lisgazóns externas

• Páxina oficial