A netabisneta de Henrique VII, a [[Protestantismo|protestante]] [[Xoana I de Inglaterra|Xoana Grey]], sucedeu a Eduardo VI segundo os últimos desexos deste; o rei desexaba apartar á súa irmá, a [[Catolicismo|católica]] María I, do trono de Inglaterra. Xoana Grey reinou só nove días antes de ser destituída e executada por María I Tudor, ao mesmo tempo que o seu marido Lord Guildford Dudley, fillo de John Dudley, o primeiro duque de Northumberland. Xoana Grey era a neta doutra [[María Tudor, duquesa de Suffolk|María Tudor]], filla de Henrique VII e irmá de Henrique VIII. Esta primeiro converteuse en raíña de Francia polo seu matrimonio con [[Luís XII de Francia|Luís XII]]. Tras enviuvar, volveuse a casar co duque de Suffolk e tivo unha filla, a nai de Xoana Grey.
