Pega azul: Diferenzas entre revisións

A '''pega azul''' ''(Cyanopica cyana)'' é un corvido, parente da [[pega]] común, distribuido polo leste da [[península Ibérica]] e o leste de [[Asia]].

 

Miden entre 33 e 37 cm. de lonxitude e as proporcións do seu corpo son semellantes as da pega común, por ben que son máis delgadas e o bico e as patas son algo máis curtos en relación ó corpo. A parte inferior e gris acastañada, a superior máis escura, as veces case castaña. As partes superiores das alas e a cola, que mide entre 16 e 20 cm. de longo, son azuladas. A cola aclárase na punta, que ás veces é mesmo branca. A coloración branca da gorxa prolóngase nunha banda lateral estreita ata á caluga. A parte superior da cabeza é negra brillante. O azul das alas, que en condicións de boa iluminación ten aspecto azul ceo brillante, destaca menos en días de mal tempo.

A distribución xeográfica da especie, repartida en dúas zonas moi distantes, é un fenomeno que deu lugar a moitas interpretacións. Os dous grupos de poboación están repartidos, por un lado en [[España]] e [[Portugal]] e por outro en [[China]], [[Corea]], [[Xapón]] e [[Mongolia]].

 

Esudios xenéticos recentes amosarían que as formas europeas constitúen unha especie separada, ''Cyanopica cooki'', aínda que esta situación non foi aínda oficialmente recpñecida.

 

Na península Ibérica son aves de espacios arbolados abertos, e están presentes a miúdo nos bosques de [[sobreira]]s e outras especies do xénero ''Quercus'', coma ''Quercus rotundifolia'' ou ''Q. pyrenaica'', e en bosques ou soutos pouco mestos de coníferas ou mixtos. que prefiren ás zonas de cultivos árboreos máis intensivos. As taxas máis altas de poboamento danse como consecuencia en [[Extremadura]], oeste de [[Andalucía]] e sur de [[Portugal]].

Nas zonas fronteirizas da súa distribución ibérica son menos esixentes e viven tamen en cultivos de amendoas e oliveiras. A súa área de cría vese limitada pola falta de biotopos axeitados, pero tamén pola competencia das pegas comúns, coas que practicamente nunca comparten os territorios.

De acordo co censo do ''European Bird Census Council '' [http://www.birdlife.org/datazone/species/BirdsInEuropeII/BiE2004Sp5735.pdf] a súa poboación en Europa é de entre 250.000 e 360.000 parellas reproductoras e mantense estable.

 

Son aves sociais que crían en colonias, en xeral pequenas, formadas por entre dúas e oito parellas. Os niños están habitulmente situados en árbores separadas, e están feitos de cotelos e pauciños suxeitos con lama, e cunha molida interna de musgo. Non estan fechados por riba coma os niños de pega común. Poñen entre 6 e 8 ovos castaños amarelados con pencas que chocan uns 15 días.

A procura de alimento fana tamén en pequenos bandos de ata 30 individuos. O seu alimento básico son landras e sementes de pinos, dieta que complementan con [[insecto]]s grandes e outros invertebrados, froita e calaza.

 

* [http://www.corvids.de corvids.de – Base de datos sobre os córvidos] (alemán)

* [http://www.hlasek.com/cyanopica_cyanus_6901.html Fotos de pegas azuis]