Jacques Lacan: Diferenzas entre revisións

'''Jacques-Marie Émile Lacan''' ([[París]], [[13 de abril]] de [[1901]] - [[9 de setembro]] de [[1981]]) foi un [[Psicanálise|psicanalista]] [[Francia|francés]]. Baseado nas ideas de [[Sigmund Freud|Freud]] foi un dos máis influíntes psicanalistas do século. Baixo a consigna dun retorno a Freud, revisou os conceptos psicanalíticos a través do [[estruturalismo]] e a [[lingüística]]. Así mesmo, foron moi importantes para as súas conceptualizacions teóricas as lecturas de [[Edmund Husserl|Husserl]], [[Nietzsche]], [[Hegel]] e [[Heidegger]].

 

Jacques Lacan proviña da burguesía media católica e ben pensante. Despois de estudar no colexio Stanislas, Lacan rompeu co catolicismo. Aos 16 anos admiraba a ''Ética'' de [[Spinoza]]. Un ano máis tarde fíxose nietzscheano, e despois, durante algún tempo, fascinouno [[Charles Maurras]], de quen adoptou o esteticismo e o gusto pola lingua. Finalmente interesouse pola vangarda literaria. O seu pai desexaba que o sucedera nos negocios e lle dera un impulso decisivo ao comercio de mostaza; non comprendía nin aprobaba a súa evolución.