Mosteiro de San Clodio de Leiro: Diferenzas entre revisións

'''San Clodio''' é un [[mosteiro]] [[Idade Media|medieval]] situado na [[parroquia]] de [[San Clodio, Leiro|San Clodio]], concello de [[Leiro]] na [[Comarca do Ribeiro]]. Foi declarado ''[[Monumento Histórico Nacional]]'' en [[1931]].

 

 

As súas orixes posiblemente se remonten ao [[século VI]], cara o ano [[554]] (segundo recolle o '''padre Yepes''' na súa ''Crónica'' da orde de [[Bieito de Nursia|San Bieito]]), relacionándose cos feitos ocorridos durante a persecución [[arianismo|arriana]] en tempos de [[Requila]], concretamente o martirio e morte do abade de [[León, España|San Claudio de León]] e varios monxes. O resto da comunidade fuxiu e buscou refuxio no [[Río Avia|val do Avia]], onde fundaron un novo mosteiro. Aínda todo isto, á vista das fontes, resulta difícil manter a existencia dunha fundación anterior ao [[século X]].

Coa [[desamortización]] destinouse a [[cuartel]] da [[Milicia Nacional]], sendo na práctica abandonado. A vida monacal reanudouse en [[1891]] por parte de monxes benedictinos ata a súa conversión actual en hotel de luxo.

 

 

No mosteiro non fican restos anteriores ao [[século XVI]], en que foi totalmente reconstruído, a excepción da fachada da igrexa primitiva, que é unha das únicas tres cistercienses que se conservan en Galiza (as outras son as de [[Mosteiro de Armenteira|Armenteira]] e [[Mosteiro de Meira|Meira]]), e as [[trabe]]s [[románica]]s.

Na fachada renacentista do mosteiro sitúanse tres escudos na parte superior do balcón: o escudo da Abadía, o de España, coa aguia bicéfala, e o da [[Congregación cisterciense de Castela]] á que pertencía o mosteiro cando se construíu a fachada.

 

 

Na actualidade atópase completamente restaurado e alberga un hotel monumento de catro estrelas, sendo visitables gran parte das súas estancias. A restauración foi financiada pola [[Xunta de Galicia]] nas súas tres cuartas partes e pola cadea hoteleira Hotusa, que ofrece 25 cuartos e diversas salas. Ademais, estanse a recuperar as [[vide]]s e terras do seu redor.

Dise que este mosteiro é o berce do [[viño do Ribeiro]]. Foi no [[século XII]] e [[século XIII|XIII]] cando se repoboou a zona e roturaron as terras e se plantaron as vides, actividades estas recollida no Testamento do '''Abade Pelagio''' no ano [[1158]].

 

 

===Outros artigos===

* [[Orde do Císter]]

 

 

* Lucas Álvarez, Manuel; Lucas Domínguez, Pedro. ''El monasterio de San Clodio do Ribeiro en la edad media: estudio y documentos''. [[1996]]. Galicia Medieval: Fontes. [[Edicións do Castro]].

* Goy Diz, Ana . ''O Mosteiro de San Clodio de Leiro''. [[2005]]. Guías do patrimonio cultural. Fundación Caixa Galicia.''.

 

 

*[http://historiadegalicia.fiestras.com/servlet/ContentServer?pagename=R&c=Articulo&cid=1068320564659&pubid=1022580395904 Páxina sobre o Mosteiro en Historiadegalicia.fiestras.com]