Federación de Mocedades Galeguistas: Diferenzas entre revisións

Dentro da FMG o independentismo contou con moita máis aceptación que entre o PG e así na súa III Asemblea (maio de 1936) 331 membros votaron polo arredismo e 439 en contra. Tamén se decidiu nesta asemblea mudarlle o nome á organización, pasando a denominarse '''Federación de Mocedades Nacionalistas'''.

 

As mocedades galeguistas locais estaban vencellas ás agrupacións locais do Partido Galeguista pero apenas mantiñan contactos entre si. Foi Xaime Illa Couto, o secretario xeral da [[Mocedade Galeguista de Vigo]], o primeiro que fixo un chamamento para constituír unha Unión de Mocedades Galeguistas nun escrito aparecido en setembro de 1933 e do que se fixo eco ''[[A Nosa Terra]]'', ao pouco tempo recibiu o apoio do resto das mocedades galeguistas espalladas polo país, a constitución formal foi coincidindo coa III Asemblea do Partigo Galeguista en [[Ourense]], o [[13 de xaneiro]] de 1934. A primeira Asemblea celebrouse en maio en Ourense, nela resultou elixido [[Francisco Fernández del Riego]] o seu secretario xeral. [[Xaime Illa Couto]], [[Xosé Luís Fontenla]] e Xoán Lois Ramos Colemán completaban a Secretaría Executiva. A II Asemblea tamén se celebrou en Ourense en abril de 1935, [[Xosé Velo]] pasou a ser o secretario xeral. [[Celso Emilio Ferreiro]], [[Vicente Bóveda]] e Xosé Nogueiras completaban o directorio da organización, durante a súa dirección celebrouse o que foi a concentración máis numerosa das organizada pola FMG, celebrada en Celanova o [[13 de outubro]] de [[1935]] e á que segundo o órgando da FMG, Guieiro, asistiron 4000 persoas. Na III Asemblea celebrada en maio de 1936 apróbanse uns novos Estatutos pero a [[Guerra Civil española]] impediu que se elixira a nova dirección.

 

O máximo órgano da FMG era a Asemblea Xeral (denominada Asemblea Nacional nos Estatutos de [[1936]]) que se celebraba cada ano, era a encargada de elaborar o programa da organización e elixir os membros do Consello Nacional, que era o órgano directivo e o responsable de executar os acordos da Asemblea, tamén tiña a competencia para designar o representante da FMG no Consello do Partido Galeguista. A Secretaría Executiva era o órgano de goberno da FMG, compúñase de catro secretarios: Secretario Xeral, Secretario de Organización, Secretario Técnico e Secretario de Propaganda. Nos Estatutos de 1936 o Consello Nacional a Secretaría Executiva vanse unir nun só órgano, o Consello Executivo Nacional conformado polos sete secretarios xerais de cada unha das zonas nas que a FMG dividira [[Galicia]].

*Arximiro Rojo, ''As Mocedades Galeguistas'', Vigo, 1987

[[Categoría:Forzas políticas de Galicia]]