José Luis Pensado: Diferenzas entre revisións

 

Pensado Tomé naceu en [[Negreira]], [[Provincia da Coruña|A Coruña]], o [[6 de marzo]] de [[1924]]. Rematados os seus estudos secundarios, iniciou en Santiago de Compostela os de Filosofía e Letras durante os dous primeiros cursos comúns, para pasar logo á Universidade Central de Madrid, onde acabou os de [[Filoloxía Romana]], na que tivo como profesor, entre outros, a [[Dámaso Alonso]]. Catro anos despois, en [[1954]], presentou a súa tese doutoral na mesma universidade.

 

 

Era membro correspondente da [[Real Academia Galega]] desde [[1967]] e académico de honra da mesma desde [[1984]]; con a mesmo rango o era da [[Academia de la Llíngua Asturiana]] desde [[1982]].

 

A finais dos anos da década de 1960, o profesor Pensado coñecedor das dimensións e da súa importancia para coñecer a historia da língua galega da obra do monxe beneditino galego Martín Sarmiento, na súa maior parte inédita ou mal editada, emprendeu a pesada tarefa de editala debidamente, consonte os requisitos da moderna crítica filolóxica, confrontando as diversas variantes manuscritas e impresas, anotándoas e iluminándoas con rigorosas introducións, que ordinariamente constitúen de por si fermosos libros. Paralelamente, o Dr. Pensado Tomé encontrouse con a non tan brillante obra lingüística doutro ilustrado galego, frei José Sobreira, máis tamén importante para a historia do galego dos séculos escuros. Ambas obras ficaban accesíbeles en adiante a estudosos e afeizoados interesados en coñecela, ademais de que parte dos escritos de Sarmiento constitúen extraordinarios exemplos do pensamento ilustrado galego en particular e español en xeral. Ese interese do prof. Pensado, mostrado xa desde anos antes, levouno a dar ao prelo diversos vocabularios do prerrenacemento, como o do [[bachiller Olea]] e algúns anónimos de comezos do século XIX.

 

Pódese dicer que o conxunto da obra de Pensado Tomé é imprescindíbel para un adecuado coñecemento do galego, que contribuíu, con outros, a elevar ao rango de recoñecemento que na actualidade ostenta dentro da Romanística.

 

 

 

[[Categoría:Personalidades da lingüística|Pensado Tomé, José Luís]]