Sindicato de Oficios Varios de Sada: Diferenzas entre revisións

Desenvolveu unha intensa laboura durante todo o período republicano, levando a cabo importantes folgas e diversas accións, encamiñadas á dignificación da clase obreira e ao seu enriquecemento cultural. Desde finais do 1931, e coma se anuncia na totalidade dos números de [[Solidaridad Obrera]] dese período, manterase un boicot ao café La Terraza, que non permitía a sindicación dos seus empregados. O conflicto semellará amañado en xullo do [[1932]], coa sinatura dun compromiso; mais, por diversas razóns, reavivarase no ano seguinte, estendéndose o boicot ao Salón Moderno. No [[1933]] e [[1934]] estalarán dúas bombas na Terraza e unha no Moderno, que só causarán desperfectos materiais, pero surtirán un gran impacto. Tamén mantería un importante conflicto coa compañái de tranvías polos mesmos motivos. Asemade, colaborará coa [[Sindicato de Profesiones Varias de Meirás]] desde o 1933 para permitir, na parroquia de [[Meirás, Sada|Meirás]], a ocupación forzosa dunhas fincas por parte dos seus colonos, aos que se lles incrementara drasticamente o aluguer.