Diferenzas entre revisións de «Medio de comunicación de masas»

 

#A utilización dos medios de comunicación de masa implica organizacións xeralmente amplas, complexas, con gran número de profesionais e extensa división de traballo. A empresa xornalística envolve o traballo dos directores, periodistas, redactores, fotógrafos, diagramadores, ilustradores, gravadores, persoal de oficina,... O feito de ser bastante onerosa a manutención dunha organización de comunicación de masa fai que esas organizacións dependan para sobreviviren ou se expandiren dos imperativos do consumo (máxima circulación, no caso de libros e películas; garantía de audiencia e venda de publicidade, no caso dos [[xornal|xornais]], [[revista]]s, [[radio (medio de comunicación)|radio]] e [[televisión]]).

#A pesar de que a comunicación auténtica é a que se asenta nun esquema de relacións simétricas, nunha paridade de condicións entre emisor e receptor, na posibilidade de oír ó outro e ser oído, como posibilidade mutua de entenderse, os medios de comunicación de masas son vehículos, sistemas de comunicación nun só sentido (mesmo que dispoñan de varios feedbacks, como índices de consumo, ou de audiencias, cartas á organización,...). Esta característica distíngueos da comunicación persoal, na cal o comunicador conta cun inmediato e continuo feedback da audiencia, intencional ou non e leva a dicir a algúns teóricos dos medios que aquilo que obtemos mediante os medios de comunicación de masas non é comunicación, pois esta é vía de dous sentidos, e polo tanto, os ditos medios deberían ser denominados vehículos de masa.