Arsenio Martínez-Campos Antón: Diferenzas entre revisións

'''Arsenio Martínez-Campos Antón''' ([[Segovia]], [[14 de decembro]] de [[1831]] - [[Zarautz]], [[23 de setembro]] de [[1900]]) foi un oficial español que proclamou un pronunciamento en contra da [[Primeira República]] en 1874, iniciando a restauraciórestauración borbónica. Foi máis tarde Capitán Xeneral de [[Cuba]] e Presidente do Goberno Español ([[1879]]-1879)

Foi un militar de carreira que se formou na Escola do Estado Maior. En [[1854]] foi nomeado membro do Estado Maior español, doquedo que máis tarde sería profesor. En [[1860]] foi destinado a [[África]], nunha expedición conxunta con Franza e Inglaterra, acadando o grao de [[tenente coronel]]; tamén tomaría parte na campaña de [[1862]] en [[México]] sob as ordes do xeneral [[Joan Prim i Prats|Joan Prim]].

En [[1868]] a raiña [[Isabel II]] foi destronada. Un ano despois Martínez-Campos será destinado a [[Cuba]], onde acababa de comezar a [[Guerra dos Dez Anos]]. Regresa a España tres anos logo como [[brigadier]] por méritos de guerra. Unha vez na Península, recibe o mando dunha brigada para combater os [[carlista]]s en [[Cataluña]]. En [[1873]], durante a [[Primeira República española]], o presidente [[Nicolás Salmerón]], noméao Capitán Xeneral de Valencia e encárgalle submeter os [[Cantonalismo|cantóns]] de [[Almansa]] e de [[Valencia]], cousa que consegue sen demasiada dificultade, pero empregando toda a dureza posíbel; así a última cidade foi bombardeada e tomada a asalto.

En [[1893]], foi designado [[xeneral]] xefe do Exército de África, conseguindo cerrar un tratado de paz co [[Sultán]] magrebí en [[1894]]. No mesmo ano de 1893, sufríu un atentado, do que poido saír ileso, en [[Barcelona]], onde á sazón estaba destinado como [[Capitán Xeneral]] de Cataluña. Dous anos máis tarde, retornou a [[Cuba]], pero enfrondo á necesidade de endurecer as medidas contra os rebeldes, nesa época apoiados polos [[Estados Unidos de América]], demite do seu posto para voltar a España, onde sería nomeado presidente do Tribunal Supremo de Guerra e Mariña, cargo que exercería até a súa morte en [[1900]].

[[Categoría:Presidentes do Goberno de España]]