L'Arroseur arrosé: Diferenzas entre revisións

Rodado en [[Lión]] na primavera de 1895, o filme amosa unha sinxela broma na que un xardineiro é amolado por un rapaz que pisa a mangueira que o xardineiro está a empregar para regalas plantas, cortando dese xeito o fluxo de auga. Cando o regador olla no furado para inspeccionar que é o que detén a auga, o mozo ergue o pé, facendo que o xardineiro molle a cara. O xardineiro está atordado e o seu chapeu está no chan, pero axiña se decata. Prodúcese entón unha persecución, tanto dentro como fóra da pantalla (a cámara nunca se move da súa posición orixinal) ata que o home atrapa ó rapaz e dálle unha tunda.<ref name=autogenerated1>[http://www.filmreference.com/Films-Am-Aw/L-Arroseur-Arrose.html ''L'Arroseur arrosé''<!-- Bot generated title -->]</ref>