José Monzo: Diferenzas entre revisións

==A Guerra Civil e a represión==

 

Comeza entón a execución dalgúns sadenses, entre eles Fernández Pita, fusilado en novembro dese mesmo ano, Suárez Picallo e José Monzo. Suárez Picallo non tardaría moito en aparecer asasinado nunha finca da familia en [[Veigue, Sada|Veigue]], xunto con outros homes. Tomada a vila polo exército nacionalista José Monzo agocha na súa propria casa, pero coa chegada da policía Monzo saíu polo patio traseiro e logrou entrar na casa dunha tía súa, vestíndose con roupas de muller e apañando unha sella. Pasou ante os gardas así disfrazado e comezou o tempo de fuxida. O seguinte lugar que escolle para se agochar é o faiado da casa dunha señora de boa posición e libre de sospeitas, amiga da familia. Mais ten que, finalmente, deixar [[Sada]]. Marcha entón para [[Miño]], agochándose na casa dunha vendedora de peixe, asidua compradora do que a familia extraía do mar. Finalmente o seu pai, Manuel Monzo, acaba por levalo a dous illotes, primeiro ao [[Illote Cabrón|Cabrón]], fronte á [[praia de Perbes]] e despois ao de Cabroeira ou Carboeira, en [[Pontedeume]]. Cada certo tempo achégalle na lancha a comida necesaria para vivir, mais, como é lóxico, acaba por enfermar e regresa á vila natal. Logo de entrar na súa casa por derradeira vez, aparece o seu cadáver nas inmediacións das escolas de Sada, na estrada de Fontán, o Día do Carme do ano [[1938]], sendo soterrado no Fiunchedo, onde repousan os seus restos.