A división contén só unha clase, [[Pinopsida]], que xa estivo dividida en dúas ordes, ''[[Pinales]]'' e ''[[Taxales]]'', mais estudos [[xenética|xenéticos]] recentes mostraron que estes dous grupos son un [[cladística|clade]] [[monofilético]]. No entanto, están descritas outras clases e ordes de coníferas [[extinción|extintas]], particularmente das eras [[Mesozoica]] e [[Paleozoica]] superior.
== Curiosidades ==
{{Curiosidades}}
* Os [[seres vivos]] máis altos, máis corpulentos e máis vellos que existen na Terra pertencen ás pinófitas. O máis alto é unha [[sequoia]] cunha altura de 112,34 m. O máis corpulento é outra sequoia que ten un volume de 1.486,9 m<sup>3</sup>. A árbore co maior diámetro do [[tronco (árbore)|tronco]] é un ciprés de Montezuma, con 11,42 m de diámetro e a máis vella é un [[piñeiro]] con 4.700 anos.{{Cómpre referencia}}
* A pesar de que o número total de especies de coníferas sexa relativamente pequeno, teñen unha inmensa importancia [[ecoloxía|ecolóxica]], unha vez que son as plantas dominantes en vastas áreas da terra, principalmente nos bosques boreais, mais tamén en [[montaña]]s con clima semellante en rexións temperadas ou tropicais.
* Moitas coníferas producen [[resina]] para protexer a árbore da infestación por [[insecto]]s ou [[fungo (bioloxía)|fungos]]. O [[ámbar]] é resina [[fósil|fosilizada]].
* Moitas especies destas árbores ([[piñeiro]]s, [[picea]]s, [[abeto de Douglas]] etc) teñen un gran valor [[economía|económico]], principalmente pola súa [[madeira]], empregada tradicionalmente para a construción.
