Al Qaida: Diferenzas entre revisións

Durante a década de 19891980, [[Osama bin Laden]], fillo dun rico construtor saudita, trasladouse a Afganistán para combater contra os soviéticos. Alí colaborou co clérigo de orixe palestina Abdullah Azzam no traslado de islamistas dispostos a incorporarse ao campo de batalla contra os soviéticos. Contra mediados da década, creou un campamento de adestramento militar para combatentes árabes na rexión fronteiriza entre Afganistán e Paquistán. Este campo foi chamado ''al-Qa’ida al-‘Askariyya'', ou, en [[Lingua galega|galego]], base militar.<ref name=":0" /> Durante estes anos, os servizos secretos de [[Arabia Saudita]] e a [[Central Intelligence Agency|CIA]] de [[Estados Unidos de América|Estados Unidos]] financiaron as actividades dos grupos muxahidins, aínda que se cre que non de forma importante a bin Laden, pois contaba con recursos de seu grazas a riqueza familiar.<ref>{{Cita web|título=The Rise of Bin Laden and the Al Qaeda Organization (1988-1992)|url=http://911.gnu-designs.com/Chapter_2.3.html|páxina-web=911.gnu-designs.com|data-acceso=2022-08-07}}</ref>

Malia a derrota soviética, Abdullah Azzam e Osama bin Laden, mantiveron o seu grupo, entendendo que debía ser a base (Al-Qaida en [[Lingua árabe|árabe]]) da futura [[xihad]]. Para entón asumiran unha ideoloxía islámica radical que busca por medio de tácticas terroristas e militares suplantar os réximes de [[Oriente medio]] co obxectivo de xuntar a todos os musulmáns baixo un único goberno rexido estritamente polas [[lei islámica|leis islámicas]] ou ''sharia''. Teoloxicamente, identificáronse co salafismo, unha rama moi puritana do islam, que afirma seguir fielmente a doutrina do profeta [[Mahoma]].