Museo de Arte de Filadelfia: Diferenzas entre revisións

O '''Museo de Arte de Filadelfia''' (en [[Lingua inglesa|inglés]], '''Philadelphia Museum of Art'''), situado ao oeste do Benjamin Franklin Parkway no Fairmount Park de [[Filadelfia]], creouse en 1876 ligado á Exposición do Centenario dese mesmo ano e hoxe en día atópase entre os máis grandes e importantes museos de arte dos [[Estados Unidos]]. Orixinalmente chamouse Pennsylvania Museum and School of Industrial Art (Museo de Pensilvania e Escola de Artes Industriais). A súa fundación foi inspirada polo Museo de South Kensington (hoxe o [[Museo Vitoria e Alberto]]) en [[Londres]], que naceu da Grande Exposición de [[1851]]. É coñecido local e coloquialmente como "O Museo de Arte". O museo abriu as súas portas ao público o [[10 de maio]] de [[1877]].

 

 

==Colección==

Cada ano o museo realiza de 15 a 20 exposicións especiais e visítano 800.000 persoas. Algunhas das exposicións máis famosas, que atraeron a centos de miles de persoas de todos os estados e doutros lugares do mundo, foron as de [[Paul Cézanne]] (en 1996, 548.000 visitantes) e [[Salvador Dalí]] (en 2005, 370.000 visitantes).

 

 

==Relación coa cidade==

Xunto á súa arquitectura e coleccións, este museo é moi coñecido polo papel que tivo nunha famosa escena da película ''Rocky'', e en catro das súas secuelas, ''Rocky II'', ''Rocky III'', ''Rocky V'' e ''Rocky Balboa''. Os visitantes do museo adoitan imitar a famosa carreira de Rocky polas escaleiras da fachada, hoxe coñecidas localmente como "Rocky Steps" (os chanzos de Rocky).