No inicio da [[Primeira Guerra Mundial]] Papeete foi [[Bombardeo de Papeete|bombardeada]] por buques alemáns, causando perdas de vidas e danos significativos.
O crecemento da cidade viuse impulsado pola decisión de trasladar os ensaios de armas nucleares desde [[Alxeria]] aos atois de [[Mururoa]] e [[Fangataufa]], a uns 1500 km ao esteleste de Tahití, isto orixinou a construción do [[Aeroporto Internacional Faa'a|aeroporto de Faa]] xunto a Pape'ete, o único aeroporto internacional na Polinesia Francesa. En 1983, a [[Igrexa de Xesús Cristo dos Santos dos Últimos Días]] construíron aquí o [[Templo de Papeete]] debido á gran cantidade de membros na rexión. O 5 de setembro de 1995, o goberno de [[Jacques Chirac]] levou a cabo a primeira da última serie de detonacións de ensaios nucleares nas costas de [[Moruroa]]. As manifestacións e os violentos disturbios en Papeete duraron dous días e danaron o aeroporto internacional, feriron a 40 persoas, e arredaron o turismo durante algún tempo <ref>{{cita novas|url=https://nyti.ms/2U8LvPb|xornal=[[New York Times]]|data=8 de outubro de 1995|título=Atomic Tests and Rioting Scare Off Tahiti Tourists|apelidos=Shenon|nome=Philip}}</ref><ref>{{cita novas|xornal=[[New York Times]]|data=7 de setembro de 1995|url=https://nyti.ms/2FHOeVV|título=French Police Fight Rioters In Tahiti|nome=Philip|apelidos=Shenon}}</ref> (Disturbios similares producironse logo doutra proba nuclear francesa na mesma zona en 1987). Nos altercados foron atacados, sobre todo, intereses franceses.
