As bandas populares naceron a imitación das [[bandas militares]] organizadas dentro dos [[Exército|exércitos]]. Estes conxuntos musicais castrenses, inicialmente dedicados a só a funcións militares, sufriron grandes modificacións nos seus cometidos após daa [[Revolución Francesa|revolución francesa]]. Pasaron daquela a actuar non só nos [[Cuartel|cuarteis]] senón tamén en cerimonias de tipo civil. O aumento das súas funcións provocou o nacemento de bandas alternativas creadas, á súa semellanza, por militares retirados ou mozos licenciados do servizo. Estas novas agrupacións, malia non pasar inicialmente de pequenos conxuntos de [[Instrumento de vento|vento]] e [[Instrumento de percusión|percusión]], aumentaron rapidamente a súa popularidade e, desde mediados do [[século XIX]], adoitaban actuar xa en festividades ([[Romaría|romarías]], [[Foliada|foliadas]], [[Concerto|concertos]]), cerimonias relixiosas ([[Procesión|procesións]], [[Misa|misas]]) e actos civís (recepcións, inauguracións).<ref name=":1">{{Cita libro|título=As bandas de música no concello lucense de Guntín|apelidos=Vázquez|nome=Federico|editorial=Asociación de Amigos do Mosteiro de Ferreira de Pallares|ano=2013|páxinas=25-26|ISBN=978-84-695-6959-7}}</ref>
