Ciclo hidrolóxico: Diferenzas entre revisións

 

A [[Circulación xeral atmosférica|circulación atmosférica]] move o vapor de auga arredor do globo; as partículas das nubes chocan, medran e caen das capas atmosféricas superiores como precipitación. Algunhas precipitacións caen como neve, sarabia ou auganeve, e poden acumularse en [[campos de xeo]] e [[glaciar]]es, capaces de almacenar auga conxelada durante miles de anos. A maior parte da auga cae como choiva ao océano ou á terra, onde a auga flúe sobre o chan como [[escorras]]. Unha parte destas escorras vai aos ríos, cuxo caudal move a auga cara aos océanos. As escorras e a auga que emerxe do chan ([[Auga subterránea|augas subterráneas]]) poden almacenarse como auga doce nos lagos. Non todas as escorras desembocan nos ríos; gran parte delas enchoupan no chan como infiltración. Algunhas augas infíltranse profundamente no chan e repoñen os [[acuífero]]s, que poden almacenar auga doce durante longos períodos de tempo. Pola contra, outras infiltracións permanecen preto da superficie terrestre e poden filtrarse de novo nas augas superficiais (e no océano) como descarga de augas subterráneas. Algunhas augas subterráneas atopan ocos na superficie terrestre e emerxen como [[Manancial|mananciais]] de auga doce. Nos vales fluviais e [[Chaira de inundación|chairas de inundación]], hai a miúdo un intercambio continuo de auga entre as augas superficiais e as subterráneas na [[zona hiporeica]]. Co paso do tempo, a auga volve ao océano para continuar o ciclo da auga.

 

== Notas ==